AU SIRE DE PIENNES

Amboise, (7) octobre 1490.

Ordre de loger les gens de guerre de sa compagnie en la ville de Mâcon et de les y maintenir en bon ordre. — (Orig. Arch. mun. de Mâcon, AA 5, n" 6.)

De par le roy.

Nostre amé et féal, nous avons ordonné que vous faictes louger les gens de guerre estans soubz vostre charge dedans nostre ville de Mascon, et que ceulx qui sont soubz la charge de nostre cher et féal cousin le marquis de Rothelin, dont nous avons ordonné que

partie feut lougée en nostredicte ville, n'y seront point lougez, mais se retireront es villes où ilz ont tenu garnison par cy devant. Et, pour la bonne obéissance que noz cbers et bien amez les manans et habitans de nostredicte ville ont tousjours vers nous, nous desirons qu'ilz soient bien traictez. (Si) nous voulons et vous mandons que vous faictes vivre nosdicts gens de guerre estans en vostre charge en bonne police, en façon et manière que n'en ayons aucunes plaintes. Et

à ce ne faictes faulte. Donné à Amboise, le jour

d'octobre • .

Charles.

A nostre amé et féal conseiller et chambellan le seigneur de Piennes* ou à son lieutenant en la compaignie.

DLXXX.

AUX HABITANTS DE BOURGES

Montils-lez-Tours, 16 octobre 1490.

Prière de tenir la main à ce que les religieux de l'abbaye de Saint-Ambroise de Bourges élisent pour abbé frère Bertrand d'Aux, son aumônier. — (Orig. Arch. mun. de Bourges, AA. Lettres missives.)

De par le roy.

Chers et bien amez, nous avons présentement esté advertiz que l'abbé de l'abbaye de Saint Ambroys, en