A ROBERT THIBOUST ET AUTRES

Lyon, 23 novembre 1490.

Ordre de travailler au plus tôt à l'inventaire du Trésor des chartes. — (Orig. Bibl. nat., fonds Dupuy, t. 581, fol. 50. Publ. dans le Cabinet hist., 1857, documents, p. 284, et par Godefroy, Hist. de Charles VIII, p. 744.)

De par le roy.

Noz amez et feaulx, vous sçavez le besoing qu'il est de parachever de besongner au fait de l'ordre des chartes de nostre trésor dont vous avons depieça baillé charge, et que, se ledict ordre n'y est mis, grant dangier et inconvénient nous en pourra avenir. Et, pour ce que la matière est grande et que les aultres grans charges que povez avoir ou les aucuns de vous souventeffois vous pourroient tant occuper que ceste matière pourroil prendre long traict, nous avons

DE CHARLES Vni. «27

ordonné que avec vous le juge du Maine, l'un de nos advocaU en nostre court de Parlement, besongnera en ceste commission, et départirez ensemble le temps pour y besongner tellement que continuellement le nombre d'entre vous que y adviserez y besongnera, les ungs après les aultres, ainsi que verrez et cognoistrez pour le mieux, et de ce escripvons à nostredict advocat. Et, pour ce que nous voulons que soingneusement et continuellement y soit besongné sans discontinuation, nous vous mandons bien expressément que, toutes excusations cessant, vous et ledict advocat vous assemblez ensemble et donnez si bon ordre à besongner ordinairement ou fait de l'ordre et inventaire desdictes chartes que, le plustost que faire se pourra, le tout soit fait et parfait. Et trouvons fort estrange que ladicte chose n'est plus avancé, considéré que ne bougez de Paris et que congnoissez de combien ceste matière nous touche, et quant de nous mesme, pour nos autres affaires, la mectrions en oubly, vous en devriez avoir mémoire et y naectre fin. Donné à Lyon sur le Rosne, le xxiii* jour de novembre*.

Charles.

robineau.

A noz amez et feaulx M* Robert Thiboust, nostre conseiller et président-, Raoul Pichon, aussi nostre

1. Godefroy, dans ouvr. cité, p. 744, a daté cette lettre de l'année 1497; mais, au 23 novembre de cette année, le roi était à Moulins et non pas à Lyon. (Cf. E. Petit, Séjours tie Charles VIII.)