A ROBERT GAILLETEL, RECEVEUR DES AIDES A PARIS (V

La Motte-d'Égry, 2 août 1480.

Ordre de payer tout ce que le clergé de l'église de Paris lui demandera pour la célébration des obsèques du roi René. — (Copie du temps. Arcb. nat., KK 248, fol. 22.)

De par le roy.

Receveur de Paris, nous escripvons présentement à ceulx de l'église de Paris qu'ilz facent ung obseque le plus solempnel que faire se pourra pour prier Dieu pour l'ame de feu nostre très cher et très amé oncle le roy de Secille, cui Dieu pardoint, et que vous payerez tous les fraiz qui seront pour ce neccessaires. Et pour ce, sur tout le service que nous desirez faire, incontinant ces lettres veues, tirez vous devers eulx,

et tout ce qu'ilz vous ordonneront payer pour ledit obseque, paiez le. Et par rapportant ces présentes signées de nostre main, avecques certiffication d'iceulx de ladicte église de ce que vous aurez payé et délivré par leur ordonnance, nous vous en ferons bailler tel acquict qui vous sera neccessaire ; si gardez qu'il n'y ait faulte. Donné à la xMothe d'Esgry, le deuxiesrae jour d'aoust.