AU PARLEMENT

Plessis-du-Parc, 16 janvier 1478.

Recommandation en faveur de l'abbé de la Trinité de Vendôme, défendeur contre l'évêque de Chartres, « qui est subtil et capcieux en matière de procès. » — (Orig. Arch. nat., Xi* 9317, fol. 57.)

De par le roy.

Noz amez et feaulx, nous vous avons nagueres

1. Une erreur de copie a fait mettre « xi""^ » au lieu de « xv™^' » dans la transcription des Commemoriali.

2. A la missive royale sont jointes les lettres du doge de Venise

escript en faveur de nostre amé et féal conseillier l'abbé de la Saincte Trinité de Vendosme, à ce que eussiez lui, ses religieux et previlleiges de ladicte abbaye favorablement recommandez, et que ou procès intenté par devant vous en matière d'excès à la requeste de l'evesque de Chartres, vousissez audit abbé et sesdiz religieux donner bonne expedicion de justice, ce que avez fait, ainsi que en avons esté advertiz. Nous tenons que povez assez avoir sceu ladicte abbaye estre fondée par noz prédécesseurs, et à leur requeste furent à ladicte abbaye octroiez plusieurs beaulx previlleiges, que desirons de tout nostre cueur garder et observer, tant pour révérence de la Saincte lerme, qui y repose, que en faveur de ladicte fondacion ; et pour ce que ledit evesque de Chartres est subtil et capcieux en matière de procès, et à la conduicte d'iceulx boute toute sa cure et entente, nous doubtons que, aumoiende sadicte subtilité, il trouvast quelque expédient pour troubler ladicte abbaye en sesdiz previlleiges. Par quoy nous voulons et vous mandons que, sur tant que vous craignez à nous desplaire, vous ayez l'ueil que, au moien dudit procès, lesdiz previlleiges ne soient aucunement enfrains, et de tout vostre povoir aidez à les garder et entretenir. Et en tant que touche la reparacion des excès faiz par ledit evesque ausdiz abbé et religieux, conduisez si bien la matière que congnoissons que ne voulez en ce aucunement favoriser icellui evesque; en quoy faisant vous nous ferez ung très agréable plaisir et service, et plus que ne sauriez penser. Et vous advertissons que nous

Andréa Vendramino, du 4 décembre 1477, donnant à Gradenigo les pouvoirs nécessaires pour signer le traité.

sommes entièrement délibérez de favoriser ledit abbé et ladicte abbaye contre ledit evesque. Donné au Plessis du Parc, le xvi^ jour de janvier.

LOYS

Berziau.

A noz amez et feaulx conseillers les gens de nostre court de Parlement à Paris.

Recepte nij^^ februarii Mo CGCC" LXXVfI°.

MLXXII.

AU PARLEMENT (v.).

Plessis-du-Parc, 17 janvier 1478.

Recommandation en faveur de l'archevêque de Tours, qui a plusieurs procès devant le Parlement, notamment un « pour raison de la coUacion du doyenné. » — (Orig. Arch. nat., Musée des archives, n» 498.)

De par le roy.

Noz amez et feaulx, nostre amé et féal conseillier l'arcevesque de Tours ^ nous a dit et remonstré qu'il a plusieurs procès pendans par devant vous qui touchent très fort l'auctorité et prérogative de sa dignité archiépiscopal, et entre autres ung procès pour raison de la collacion du doyenné. Et pour ce que nous avons très grant et très singulière amour et affection à nostredit conseiller, tant pour les grans biens, mérites et vertuz qui sont en lui, que pour les bons et agréables services qu'il nous a faiz, fait et continue chascun jour, desirons de tout nostre povoir qu'il ayt bonne et briefve expedicion de justice esdiz procès et