BotUUe de Juge

sonne du duc de Nemoux, laissez la luy, et qu'il n'y ait nulles gardes des gens de Phelippes Luillier, et qu'il n'y ait (jue de voz gens des plus seurs que vous ayez à le garder. Et si vous me voulez venir veoir ung tour pour me dire en quel estât les choses sont et amener maistre Estienne Petit quant et vous, vous me ferez grant plaisir; mais que tout demeure en bonne seureté. Et adieu. Escript au Plesseys du Parc, le premier jour d'octobre.

LOYS

J. Bourré.

DCGCGXXXIV.

AU DUC DE MILAN (v.).

Selommes, 6 octobre 1476.

Étonnement causé au roi par la nouvelle que le duc a mis le siège devant la ville d'Avigliana, appartenant au duc de Savoie, son pupille ; prière au duc d'exposer les griefs qu'il peut avoir contre le seigneur de Bresse, et dont le roi sera heureux de lui faire justice. — (Orig. Arch. de Milan. Dominio Sforzesco.)

Mon frère, j'ay aujourduy sceu comme vous estes venu mectre le camp en Pymont devant une ville qui s'appelle Azillien\ dont j'ay esté fort esbay, pour ce que vostre ambaxadeur m'avoit dit que vous estiez retiré du près de Verseil, là où vous estiez, et aussi qu'il m'est bien estrange de croyre que vous voulsissiez riens entreprandre en Pymont sus moy, qui en suis gouverneur, et qui ay prins la tutelle de mon nepveu le duc de Savoy e.

1. Avigliana. (Voy. la lettre de Louis XI, en date du 10 juillet 1476, no DGGGCXX, p. 67, aux habitants de cette ville.)

Mon frere, pour ce que je ne sçay les causes qui vous ont meu de ce fere, je vous en escrips voulentiers, affiu que vous m'en advertissez; et si ce n'estoit sinon qu'il y eust quelque différent entre vous et monseigneur de Bresse, il me semble que je suis bien pour vous en fere la justice et la raison, sans que vous l'eussiez prins par ce bout. Je depescherai bientost vostre ambaxadeur, qui ira devers vous pour vous parler de ces matières. Et à Dieu, mon frere, auquel je prie qu'il vous ait en sa saincte garde. Escript à Selonimes, le vi^ jour d'octobre.

LOYS

Mesme.

A nostre très chier et très amé frere le duc de Millan.

DGGGGXXXV.