Le 25 août

2. Le traité qui devait être signé à Picquigny le 29 août suivant avec Edouard IV. (Rymer, Acta et fœdera, V, part. III, p. 65.)

DGCCLXXXIV.

AUX HABITANTS d'hARFLEUR (v.).

Abbaye de Notre-Dame-de-la- Victoire, 4 septembre 1475.

Conclusion d'une trêve de sept ans avec le roi d'Angleterre, moyennant le payement « de grans sommes de deniers, » et demande d'un subside de 400 1. t. — (Orig. Arch. mun. d'Harfleur.)

De par le roy.

Chiers et bien amez, nous avons, grâces à nostre Créateur et moyennant l'intercession de sa très glorieuse et benoiste mère la Vierge Marie, mis hors de nostre royaume et renvoyé en Angleterre le roy d'Angleterre avec son armée, lequel, à l'instigacion et pourchaz de Charles de Bourgongne et autres ses aliez et complices, noz rebelles et desobeissans vassaulx et subgectz, estoit venu et descendu et tiré bien avant en nostredit royaume avec très grant et puissant armée, et avec lequel avons prins tresves et entrecours de la marchandise pour sept ans, dont très grant bien et proffit, à l'aide de Dieu, pourra advenir en nostredit royaume et à tous noz subgectz. Et pour parvenir à ce, nous a convenu promectre et donner grans sommes de deniers audit roy d'Angleterre et autres seigneurs estans en sa compaignie, qu'il leur convient paier et bailler dedans brief temps, ausquelles sommes ne saurions fournir des deniers de noz finances, pour les autres grans despenses qu'il nous a convenu et convient encores faire et porter pour l'entretenement de la grant armée qu'il nous convient avoir et tenir en plusieurs et diverses contrées de

nostredit royaume, pour résister aux dampnables entreprises que s'efforcent faire de jour en jour à l'encontre de nous et de noz bons et loyaulx vassaulx et subgectz ledit Charles de Bourgongne et sesdiz adherens, aliez et complices pour nous grever et porter dommage, sans avoir sur ce l'aide de vous et autres noz bons et loyaulx subgectz, dont nous depporterions voulentiers, se possible nous estoit de ce faire à présent. Et combien que vous ayons octroyé plusieurs privilèges, franchises et exempcions, desquelz nostre vouloir et entencion ait esté et soit que joissez entièrement, toutesfois pour soulager nostre povre peupple du plat pais des grans charges et affaires qu'ilz ont à supporter, nous avons, par l'advis et deliberacion des gens de nostre sang et lignage et de nostre conseil estant par devers nous, conclud et délibéré que, pour ceste foiz seulement, et sans préjudice de vosdiz privilèges et exempcion pour le temps advenir, vous paierez de la somme imposée en l'élection de Montiervillier la somme de quatre cens livres tournois, laquelle vous pourrez asseoir ainsi et par la meilleur forme et manière que adviserez, ou icelle prendre en tout ou en partie sur les deniers communs de ladicte ville ou autrement, ainsi que verrez estre à faire pour le mieulx et le soulagement de vous et autres noz subgectz d'icelle ville et forsbourgs. Si vous prions et neantmoins mandons que en ce ne nous vueillez faire faulte, comme bien en avons de vous singulière confiance. Donné à l'abbaye Nostre Dame de la Victoire lez Senlis, le mi® jour de septembre.

LOYS

Legouz.

A noz chiers et bien amez les bourgois, manans et habitans de nostre ville de Harfleu.

DGGGLXXXV.

AUX HABITANTS DE POITIERS (d.).

Abbaye de Notre-Dame-de-la- Victoire, 4 septembre 1475.

Conclusion d'une trêve de sept ans avec le roi d'Angleterre « moyennant le payement de grans sommes de deniers ; » demande d'un subside de 2,000 1. t., qu'il envoie chercher par Jean Gharabon et Nicole Gilles. — (Copie du temps. Arch. de Poitiers, BB 7, fol. 200. Publ. dans les Archives historiques du Poitou, I, 178, et auparavant dans Thibaudeau, Abrégé de Vhisioire du Poitou (Paris, 1782-1788, 6 vol. in-S"), III, 130.)

Ghers et bien amez, nous avons, grâces à nostre Créateur et moiennant l'intercession de sa glorieuse et benoiste mère la Vierge Marie, mis hors de nostre royaume et renvoyé en Angleterre le roy d'Angleterre avec son armée, lequel, à l'instigacion et pourchaz de Charles de Bourgoigne et aultres ses aliez et complices, noz rebelles et desobeissans vassaulx et subgectz, pour nous cuider, grever et détruire nostre dit royaume, vous et aultres noz bons et loiaulx subgectz, estoit venu et descendu et tiré bien avant en iceluy avec très grant et puissante armée, et avec lequel avons prins trêves et entrecours de marchandise pour sept ans, dont très grant bien et proffit, à l'aide de Dieu, pourra advenir à nostre dit royaulme et à tous nozdiz subgiez. Et, pour parvenir à ce, nous a convenu promectre et donner grans sommes de deniers au roy d'Angleterre et aultres seigneurs

estans en sa compaignie, qu'il leur convient payer et bailler dedans brief temps, ausquelles sommes ne pourrions fournir des deniers de noz finances, pour les aultres grans despences qu'il nous a convenu et convient encores faire et porter pour l'entretenement de la grant armée qu'il nous fault avoir et tenir en plusieurs et diverses contrées de nostre dit royaume, pour résister aux dampnables entreprises que s'efforcent faire de jour en jour, à l'encontre de nous et de noz bons et loiaulx vassaulx et subgectz, ledit Charles de Bourgoigne et sesditz adherans, aliez et complices, pour nous grever et porter dommage, sans avoir sur ce l'aide de vous et aultres noz bons et loiaulx subgiez, dont nous déporterions voulentiers, se possible nous estoit de ce faire à présent. Et combien que vous aions octroyé plusieurs privilèges, franchises et exempcions, desquelx nostre vouloir et entencion ait esté et soit que joissez entièrement, toutesfoiz, pour soulager nostre povre peuple du plat pays des grans charges et affaires qu'il a à suporter, nous avons, par l'advis et deliberacion des gens de nostre sang et lignage et de nostre conseil estans par devers nous, conclud et délibéré que, pour ceste foiz seulement, et sans préjudice de vosdiz privilèges et exempcions pour le temps à venir, vous paierez de la somme imposée en vostre eleccion la somme de deux mil livres tournois, laquelle vous pourrez asseoir ainsi et par la meilleure forme et manière que adviserez, ou icelle prandre en tout ou en partie sur les deniers communs de ladicte ville ou aultrement, ainsi que verrez estre à faire pour le mieulx et le soulagement de vous et aultres noz subgiez d'icelle ville et fors- Yl 2!

bourgs. Si vous prions et neantmoins mandons que ainsi le veillez faire et sur tout ce croire nostre conseiller, M^ Jehan Ghambon^ et maistre Nicolle Gilles, nostre secrétaire, lequel, pour ceste cause, nous envoions présentement devers vous pour vous dire et remonstrer plus à plain les choses dessus dictes et les causes qui nous ont meu à le faire ; auquel voulons que adjoustez foy sur ce qu'il vous en dira de par nous, comme à nous mesmes. Et en ce ne nous veillez faire faulte, comme bien en avons de vous singulière confiance. Donné à l'abbaye de Nostre Dame de la Victoire lez Senlis, le iiii^ jour de septembre.

LOYS

Legouz.

A noz chers et bien amez les maire, eschevins, conseillers, pers et habitans de nostre ville de Poictiers.

DGGGLXXXVI.