MIL

AUX COMMISSAIRES CHARGÉS DE JUGER LE DUC DE NEMOURS (v.).

Saint-Quentin, 22 juin 1477.

Envoi du sire de Beaujeu pour présider le procès du duc de Nemours. — (Copie du temps, dans le Procès du duc de Nemours. Bibl. de Sainte-Geneviève, Ms. 2000, fol. 474.)

Noz amez et feaulx, comme par nous lettres patentes vous ayez peu veoir, pour ce que avons sceu que en besongnant en la matière du procès de nostre cosin Jacques d'Armignac, duc de Nemours, conte de la Marche, il a semblé à plusieurs notables gens de nostre parlement, considéré la qualité de sa personne, le mieulx et le plus convenable estre pour le bien, que nous, ou autre grant personnaige, pour et ou lieu de nous, feussions presens en nostredicte court

seigneur estoit occuppé esdiz pays, tellement qu'il n'avoit peu et ne pourroit estre en personne audit Noyon ne assister à l'expedicion dudit procès, et à ceste cause avoit commis son lieutenant en ceste partie monseigneur de Beaujeu, son gendre, auquel il avoit baillé charge de faire abatre et démolir la muraille et fortifïicacion de la ville d'Avaynes, puis nagueres par ledit seigneur prinse sur ses ennemys, et aussi de faire et ordonner les logeis de ses gens d'armes, par quoy ledit monseigneur de Beaujeu n'avoit peu si tost venir en cestedicte ville pour assister et présider pour et en lieu de luyet représenter sa personne, comme son lieutenant en l'expedicion dudit procès, mais que, en bref, il le envoyroit avec certains autres gens notables qu'il avoit à ce commis avec mesdiz seigneurs de la court, et leur avoit baillé charge de savoir si mesdiz seigneurs estoient tous venuz et prestz de besongner oudit procès » (fol. 472 et 473).

avec aucuns notables gens de nostre conseil, pour la discucion et jugement dudit procès. Pourquoy, nous, memoratifz que feu nostre très chier seigneur et père, que Dieu absoille, fit venir ladicte court de parlement devant luy à Vendosme pour le procès du feu duc d'Alençon, au jugement duquel furent avec ladicte court plusieurs notables gens de son conseil, vous avons mandé, comme faisans et representans le corps de nostredicte court de parlement, venir à Noyon, pour vous aproucher de nous, esperans trouver opportunité de y pourveoir^ aller et y estre présent en nostre personne, ce que n'avons peu et ne povons faire, obstans les grans affaires et occupacions que avons continuellement pour la conduicte de nostre guerre, qui tant touche le bien de toute la chose publicque de nostre royaulme, touteffoys nous avons bien voulu qu'on besongnast audit lieu ce qu'on pourroit oudit procès, affîn que feussiez plus près de nous, et que, si à quelquefoiz povoyons trouver opportunité de y aller, le peussions mieulx faire; et afifin que la matière du procès, auquel nostredicte court a ja longuement esté occuppée, puisse plus tost prandre fin, et que peussiez mieulx vacquer et entendre à l'exercice et distribucion de la justice de nostre royaulme, nous, par grant et meure deliberacion, avons commis et ordonné nostre très cher et amé filz et cosin le conte de Glermont et seigneur de Beaujeu, et icelui fait et establit nostre lieutenant gênerai pour assister avec vous, présider pour et ou lieu de nous, et représenter nostre personne oudit procès. Et aussi,