En date du 22 janvier 1477. Ms. du Procès, fol
des delictz, pour nous acquiter envers Dieu et justice, et à ce que, à l'exemple de luy, autres se gardent de mal faire, voulons et vous mandons que prononcez lesdiz dictum et conclusions par vous prins, et icelluy mectés à excecucion selon sa forme et teneur. Donné à Arras, le xxif jour de juillet.
LOYS
J. DE Ghaumont^ MXV.
A M""^ DE [la BELLIÈRe] (d.).
Conseils sur le régime à faire suivre à ses nièces. — (Orig. Arch. de M. le duc de la Trémoille. Publ. par M. Marchegay, Louis XI, M. de Taillebourg et M. de Maigné, dans la Bibliothèque de V École des chartes, 4^ série, t. I (1854-55) (Paris, 1855, in-S»), p. 26.)
Madame, je me recommande à vous tant que je puys et vous prye qu'il vous plaise avoir mes deux niepcespour recommandées. Je ne suis pas phisicien, mais il
1. La réception de cette lettre « ou lieu de Noion, et en l'hostel episcopal » où siégeaient les juges du duc de Nemours, est constatée à la date du 26 juillet 1477. (Op. laud., fol. 483.)
2. Marguerite et Gillette, filles d'Olivier de Goëtivy, seigneur de Taillebourg, et de Marie de Valois, sœur naturelle de Louis XL Leur gouvernante était la veuve de Tanneguy du Ghàtel, seigneur de la Bellière, blessé mortellement au siège de Bouchaiu en mai 1477. Elle est en effet désignée expressément dans une autre lettre du roi adressée au même seigneur de Taillebourg, le 7 septembre 1477, no MXXV. M. Marchegay, quand il a publié ces lettres dans la Bibliothèque de l'École des chartes, avait cru que la dame à qui écrivait le roi était Marguerite de Roban, veuve de Jean d'Orléans, comte d'Angoulême, dont Cognac était la résidence.
me semble qu'on ne les doyt point garder de boyre entre deux heures, quant elles auront soif, et leur faire mectre beaucoup d'eau en leur vin, et qu'elles ne boyvent que petiz vins de Touraine, et ne leur donner point de salleure, ne de viande là où il y ayt espices, mais bouilly et toutes viandes moictes, et ne leur donner poinct de fruict, réservé des raisins qui soient bien meurs. Il me souvient qu'on dit que les surains sont bons ; mais il y en a d'autres qui sont bien maulvays et font venir le flus de ventre. Madame, je le vous recommande, et s'il vous plaist, vous ne lairrez pas estraindre la grande. Madame, je ne vous sçay autre chose que escripre, fors que tenez vous sceure que je ne vous fauldray tant que je vive. Et si vous fault riens, ne le faictes que demander, car je me tiens tenu et obligé de le faire, et adieu. Madame. Escript à Arras, le xxviif jour de juillet.
MXVI.
AUX HABITANTS d'AUXERRE (v.).
Arras, 31 juillet 1477.
Ofifres de soumission apportées par les ambassadeurs du duc de Bretagne. — (Orig. Arch. de la ville d'Auxerre, paquet 211, case 6 h, n» 10. Communiqué par feu M. Quantin, archiviste de l'Yonne.)
De par le roy.
Très chers et bien amez, nostre très cher et très
amé neveu et cousin le duc de Bretaigne a de nouvel
envoyé devers nous Guillaume Chauvin, son chancel-
lier, Jehan, seigneur de Coetquen, son grant maistre
d'ostel, maistres Guy du Boschet, son vi-cliancellier, et Nicolas de Kermeno, son seneschal de Broerech, tous ses conseillers ambassadeurs, par lesquelz, en continuant ses requestes, à nous pieça et par diverses foiz faictes, il nous a très humblement fait supplier et requérir qu'il nous pleust le recevoir en nostre bonne grâce et bienveillance comme nostre bon, vray, loyal et obéissant parent, subjet et neveu, rejecter, pardonner et abollir toutes choses passées, offrant renoncer, et de fait a renoncé par exprès à toutes aliances, confederacions, fraternitez, amitiez et bienveillances qu'il a eues, prinses ou contractées par cy devant à quelques princes, pays, seigneuries ou nacions que ce soient, et par sermens sollennelz et autrement, a juré, promis et s'est obhgé nous servir envers et contre tous ceulx qui pevent vivre et mourir, sans personne vivant excepter, et pour ce faire employer sa personne, ses gens d'armes, son arriereban et toute sa puissance par mer et par terre, sans jamais povoir faire ne prendre trêves, aliance, abstinence de guerre, ne confederacion avecques quelzconques princes ou seigneuries que ce soient, ayans guerre avec nous, mais est obligé faire la guerre autant que nous la ferons et vouldrions faire. Ausqueiles offres et appoinctemens, et moyennant les seuretez, sermens et promesses que avons sur ce prinses de lui, nous l'avons receu, et par ce moyen y a paix finalle entre nous et lui, et demeure nostre subget et obéissant, lui et tous les subgetz du duchié de Bretaigne, à nous et à nostre court de parlement, tout ainsi que les feuz ducs Françoys et Pierre, derreniers décédez, et mesme icellui nostre neveu et cousin, estoient du vivant de
feu nostre très cliier seigneur et père, que Dieu absoille.
Et, pour ce que savons et congnoissons que desirez le bien, seureté, paix et transquilité de nous et de nostre royaulme, nous vous signiffions ces choses, afin que les faictes publier et notiffier, et que en rendez grâces et louenges à Dieu et à la très glorieuse Vierge Marie, ainsi que faire se doit, et que savez et congnoissez que la matière le requiert. Donné à Arras, le derrenier jour de juillet.
LOYS
De Cerisay.
A noz très chiers et bien amez les gens d'église, nobles, officiers, bourgois et habitans de nostre ville d' Aucerre ' .
MX VII.
AU CHAPITRE DE SAINT-LAUD d'ANGERS (V.).
Arras, 31 juillet 1477.
Envoi du seigneur du BcDucluage, d'un protonotaire apostolique et de Jean Brethe, trésorier de l'église de Tours, pour prendre la relique de la vraie croix de leur église et la porter à Nantes pour faire prêter serment au duc de Bretagne. — (Orig. Bibl. d'Angers, ms. 680. Titres et documents concernant l'église de Saint-Laud d'Angers, t. I. Publ. dans le Bulletin du Comité de la langue, de l'histoire et des arts de la France, I (1852-53), p. 380.)
De par le roy.
Chers et bien amez, pour la seureté de la paix et des
1. La même lettre fut adressée aux consaulx de Tournai et se trouve dans les archives de cette ville.
traictez et appoinctemens faits entre nous et nostre très cher et très amé neveu le duc de Bretagne, a esté advisé que iceluy nostre neveu, entre autres sermens, fera serment sur la vraye croix de vostre église de Monseigneur Sainct Lau d'Angers, et pour recevoir et luy voir faire ledit serment, envoyons présentement devers luy noz amez et feaulx conseillers, le sire du Boschage, nostre chambellan, le commandeur de *****, protonotaire du saint siège apostolique, maistre... et encore maistre Jehan Brethe, maistre en théologie, et thresorier de l'église de Tours, ausquelz avons expressément commandé passer par vous, et faire porter ladicte vraie croix jusques à Nantes, où le duc doit faire le serment, et de là rapporter icelle précieuse croix par deçà, affin que toutes les choses promises et accordées pour bien de la paix puissent estre conclues et parachevées. Et vous prions très assertes, et sur tout le service et plaisir que nous desirez faire, que incontinent vous vueillez disposer de porter solennellement et honestement ladicte vraie croix audit lieu de Nantes, affin que sur icelle le duc fasse les sermens telz que il doit faire, lesquelz accomplis voulons que l'apportiez incontinent devers nous, à ce que nous accomplissions ce que avons promis de nostre part. Et sur ce croyez noz conseillers de ce qu'ilz vous diront de par nous comme nostre personne propre, et soyez seurs que nous appointerons ceux qui porteront et conduiront ladicte vraie croix en Bretagne, et icelle rapporteront devers nous, de leurs voyages, sallaires, peines et travaux, en façon qu'ilz auront cause d'estre bien contens. Et vous prions de rechef que en tout ce que dit est, n'y ait faute, sur tant que vous aymiez le bien,
proffit et augmentacion de nous et de la couronne de France, car en meilleur endroit et en plus agréable à nous ne nous sçauriez faire plaisir. Donné à Arras, le dernier jour de juillet. ^
De Cerisay.
A noz chiers et bien amez les doyen, chantre et chapitre de l'eghse de Saint Laud d'Angers ^
MXVIII.
