Jean Blosset, sire de Saint-Pierre
4. Voy. aux Pièces justificatives, no III, une lettre d'Olivier de Quoaitraan, écrite d'Arras, le 26 octobre 1477, relativement à un complot révélé par le prieur des Carmes de cette ville.
MXXXVl.
AU PARLEMENT (d.).
Plessis-du-Parc, 4 novembre 1477.
Ordre de faire remettre par le seigneur d'Usson aux commissaires pour ce désignés une somme de 6,000 1. t. échue au roi. — (Orig. Bibi. nat., Ms. fr. 21151, fol. 259 y\)
De par le roy.
Noz amez et féaux, nous avons aujourd'huy commandées noz lettres patentes à vous addressantes, par lesquelles vous est mandé faire bailler et délivrer la somme de siz mil livres tournois par le seigneur d'Usson, à nous advenue et escheue pour les causes et ainsy que pourrez veoir plus à plain par nosdictes lettres. Et, pour ce que voulons ladicte somme estre incontinant mise et baillée entre les mains des commissaires nommez esdictes lettres, pour estre par eux employée en aucunes noz affaires très urgentes et nécessaires, nous vous mandons, commandons et expressément enjoignons, et sur tant que doublez nous désobéir et desplaire, que en mettant à execucion le contenu en nosdictes lettres patentes selon leur forme et teneur, vous faictes bailler et dellivrer reaument et de faict ausdiz commissaires ladicte somme de six mil livres tournois, et gardez qu'il n'y ait point de faulte, car tel est nostre plaisir. Donné au Plessis du Parc lès Tours, le xiv® jour de novembre.
LOYS
Petit.
A noz amez et féaux conseillers les gens de nostre cour de Parlement à Paris ^
MXXXVII.