LETTRE DE FRANÇOIS HALLE AD CHANCELIER

Meung-sur-Loire, 10 septembre 1482.

Nécessité de conseiller à l'archevêque de Tours de récrire au roi « en toute reverance et humilité, en soy sommettant le plus doulcement que faire se pourra... » — (Orig. Bibl. nat., Ms. fr. 15538,

Mon très honoré et doublé seigneur, je me recommande à vostre bonne grâce tant humblement comme faire puis.

J'ay receu les lettres qu'il vous a pieu m'escripre et les articles touchant les prelatz, et aussi ay veu les lettres que avez escriptes au Roy et les articles qu'il m'avoit envoyez pour les

veoir et y faire response sur aucunes choses qu'il m'avoil escript, ce que j'ay fait, et après a tout veu et ordonné la despesche, selon ce qu'il vous escript par Jehan Des Beufz, vostre servi te[u]r.

Les lettres que le Roy vous avoit autresfoiz escriptes touchant Monsr de Tours, que n'aviez receues, ainsi que m'aviez escript, ont esté trouvées, et celles que Mess" le grant seneschal et du Solier vous escripvoyent par ordonnance dudit seigneur, et les miennes, qui sont semblables à celles que vous avez eues. Et sera besoing, comme je croy, de parler encores à mondit seigneur de Tours sur ce que le Roy vous escripvoit par lesdictes lettres, et mesdiz seigneurs le grant seneschal et du Solier; car, si le Roy eust esté adverti que lesdictes lettres eussent esté perdues et que n'eussiez parlé à mondit seigneur de Tours, selon ce qu'il vous escripvoient, il en eust esté mal content.

Mondit seigneur de Tours fera bien d'escripre au Roy, sur tout en toute reverance et humilité, en soy sommettant le plus doulcement que faire se pourra, et en faisant déclaration et responce certaine pure et simpliciter, sans si ne sans qua, de garder l'auctorité, souverannité et droiz du Roy envers tous et contre tous, en demonstrant le bon vouloir et obéissance qu'il a envers luy, touchant la seurté de sa personne et de son reaume; en recongnoissant aussi l'obligation originelle et sacramentelle, en quoy il est tenu envers le Roy.

Monsr, non incombit michi docere Minervam; mais pour contenter et apaiser le Roy, je croy que ce que dit est y pourra bien servir à mondit seigneur de Tours, et si vous plaist, ne sera besoing de dire que riens vienne de mon adverlissement. Vostredit serviteur vous dira du parlement du Roy et de noz nouvelles. Mon très honnouré seigneur, plaise vous me commander voz bons plaisirs pour les acomplir au plaisir de Dieu, qui vous doint bonne vie et longue et acomplisscmenl de voz haulx et nobles désirs. Escript à Meung sur Loire, le xc jour de septembre.

Le tout vostre serviteur, Y. Halle.

A mon très honnouré seigneur, monseigneur le chancellier de France.

Lettres de Morts* ïarcevesque de Narbonne receue[s] par Jehan Des Beufz, le XIe jour de septembre 1482.