Jean de Groy

grant paour que ce soit quelque tromperie ^ Touteffoiz, il n'est riens que plus je désirasse que d'avoir ledit de Gimay, comme vous savez ; et pour ce, je vous prye que sachez que c'est ; et si vous voyez que ce soit à bon escient, que vous y besongnez à toute diligence ; et ce que vous promectrez pour leur appoinctement, je le tiendray, et incontinent me advertissez de tout. Escript à Glery, le xvi""^ jour d'octobre.

LOYS

J. Lemaresghal.

A nostre amé et féal conseiller et chambellan le sire du Bouchage.

MGGXXXIIl.

AU SACRÉ COLLÈGE (v.).

Selommes, 17 octobre 1478.

Rappel de l'ambassade qu'il avait envoyée au Saint-Père à la nouvelle que les ambassadeurs envoyés par celui-ci, l'évêque de Fréjus, Jean-André de Grimaldi et son « credencier, » n'avaient d'autre mission que de « dissimuler et le cuider abuser. » — (Orig. Arch. de Venise. Bolli ed atti délia curia romana. Busta, n" XXVIII. Publ. par Buser, op. laud., p. 482.)

Loys, par la grâce de Dieu roy de France. Très chiers et grans amys, nous tenons que savez assez comme la saincteté de nostre Saint Père puis aucun temps en ça a envoyé par deçà l'evesque de Fregus, messire

1. En fait, Olivier de la Marche resta fidèle à Marie de Bourgogne et a son mari Maximilien d'Autriche jusqu'à sa mort, survenue le 1er février 1502. (Mémoires d'Olivier de la Marche, éd. Beaune et d'Arbaumont, t. IV (Paris, 1888, in-8'>). Notice biographique, p. LXXXIX.)

Jehan André de GrismaldiS elle credencier de ladicte saincteté de nostredit Saint Père, lesquelx nous avoient exposé aucunes choses tendans par semblant au bien de paix et unyon, ausquelles choses avions entendu de tout nostre cueur ; et pour ceste cause et afin que la matière sortist son effect avions depesché nostre ambassade pour aller devers ladicte saincteté de nostredit Saint Père; et estoit nostredicte ambassade pieça partie de nous, mais nous avons depuis esté deuement advertiz que les diz evesque de Fregus et autres dessusdiz n'estoient venuz fors pour dissimuler et nous cuider abuser. A ces causes, avons renvoyé quérir nosdiz ambassadeurs et escripvons ces choses à nostredit Saint Père, ainsi que plus à plain le pourrez veoir par le double des lectres que vous envoyons cy dedens enclos. Et pour ce que sommes si fort desplaisans de ces choses que plus ne povons, nous vous prions bien affectueusement que vous assistez à la presentacion de nosdictes lettres à nostredit Saint Père, en lui remonstrant que telles voyes ne sont pas pour parvenir au bien de paix et que n'y devons pas prendre plaisir, et vous nous ferez en ce faisant très singulier et agréable plaisir. Donné à Soulommes, le xvii® jour d'octobre.

LOYS