A UN PRINCE DU SANG, SON ONCLE

(Genappe.)

Recommandation en faveur de Grâce , un de ses serviteurs, qu'il ne peut conserver auprès de lui. — (Minute. Bibl. nat., Fr. 20490, fol. 79 v».)

Le daulphin de Viennoys.

Très chier et très amé oncle, vous savez les grans charges et affaires que nous avons de présent, obstant lesquelles ne povons pas entretenir tous noz serviteurs. Et pour ce vous envions Grâce et vous prions tant que nous povons que le nous veillez garder et lui faire du mieulx que pourrez jusques à tant que noz besongnes se portent autrement et que ayons mieulx de quoy lui faire du bien, car il nous a bien et loy animent servy, et pour rien ne le vouldrions perdre. Et en ce faisant nous ferez très agréable et singulier plaisir, et quant aucune chose vouldrez que nous fassons pour vous ou les vostres, en la nous signifïiant nous la ferons de très bon ceur au plaisir Dieu, très chier et très amé oncle, qui vous ait en sa saincte garde. Escript, etc.