n. st
livres tournois, maistre Jehan Majoris, nostre confesseur, vint livres tournois, Jehan Trousseau, nostre premier escuier tranchant, cinquante livres tournois, maistre Guillaume Leotier, nostre phizicien, cinquante livres tournois, Raoulin Deblet, nostre huissier d'armes, quinze livres tournois, Jehan Beliot et Jehan Morin, quinze hvres tournois, à Jehan Petit, Jehan de la Roche, Jehan Cadoet et Jehan bout du Monde, noz variez de chambre, à chascun cent solz tournois, et à Piètre de Porc cinquante cinq livres tournois. Et par rapportant ces présentes et quictances sur ce des dessusdiz lesdictes sommes seront allouez en voz comptes par noz très chiers et bien amez les gens des comptes de Monseigneur et partout ailleurs ou il appartendra, nonobstant quelconques ordonnances, mandemens ou deffenses à ce contraires. Donné à Thoulouse le xiii^ jour de juing l'an de grâce mil cccc trente neuf.
Par monseigneur le daulphin, le sire de Treignac et autres presens.
Durant.
^ 30 juin 1439.
Quittance donnée par le dauphin d'une somme provenant de l'aide des États d'Auvergne. — (Orig. Bibl. nat., Fr. 20420, fol. 3.)
Nous Loys, filz du roy de France, daulphin de Viennoys, confessons avoir eu et receu de Pierre Maudonier, receveur ou bas pays d'Auvergne de l'ayde derrenierement octroyé à Monseigneur par les gens des troys estaz dudit pays à l'assemblée par eulx faicte en la ville de Rion ou mois de mars derrenier passé, la somme de mil livres tournois, laquelle lesdiz gens des trois estaz nous ont donnée et octroyée oultre et par dessus ledit ayde par eulx fait à mondit seigneur, pour faire noz plaisirs et voulenté. Et d'icelle somme de mil livres tournois nous tenons pour content et en quictons lesdiz gens des trois estaz, ledit receveur et tous autres. Donné en tesmoing de ce soubz nostre seel secret le derrenier jour de juing l'an de grâce mil cccc trente et neuf.
Par monseigneur le daulphin, le sire d'Estissac et autres presens.
BOCHETEL.
15 juillet 1439.
Paiement de vêtements destiné? au dauphin. — (Orig. Ribl. nat., Fr. 26066, n" 3822.)
En la présence de moy Jehan Durant, secrétaire de monseigneur le daulphin, Nicolau de Meolosy, flourentin, marchant, a congneu et confessé avoir eu et receu de maistre Guillaume Goyet, argentier de mondit seigneur le daulphin, la somme de sept cens sept livres dix solz tournois en quoy ledit seigneur lui estoit tenu pour la vente et délivrance de martres scbelines et autres qu'il a baillées et Uvrées pour ledit seigneur ou mois de juing derrain passé, dont la decieracion s'ensuit. Pour trois mantcaulx et demy de costez de martres sebelines pour fourrer deux robes longues de drap d'or pour ledit seigneur, achectées au pris de iiii^^ livres tournois le manteau, valent ii'= un" livres tournois; pour l dos desdictes martres pour faire les gect, colct et poignetz desdictes robes à lx solz tournois le dos, valent CL livres tournois; pour trois cens de dos de martres de pais pour fourrer deux robes pour mondit seigneur, l'une de veloux cramoisi et l'autre de veloux velouté noir, achectées le cent au pris de un" ii livres x solz tournois, valent ii^ xlvii livres X solz tournois -, et pour ung manteau de costé desdictes martres pour fourrer les manches desdictes ii robes, xxx livres tournois ^ lesquelles parties font ensemble ladicte somme de vii^ vir livres X solz tournois. De laquelle somme ledit Nicolau s'est tenu et tient pour content et bien paie et en a quicté et quicte ledit argentier et tous autres. En tesmoing de ce j'ay à la requeste dudit Nicolau signé ccste présente quictance de mon saing manuel le xv' jour de juillet l'an mil cccc trente neuf.
Durant.
28 juillet 1439.
Le dauphin fait payer 120 écus d'or à Amaury d'Estissac pour le prix d'un cheval donné au sire de Boussac. — (Orig. Bibl. nat., Pièces orig., 1080, Estissac.)
Loys, fils du roy de France, daulphin de Viennois, à nostre amé et féal secrétaire de Monseigneur et de nous maistre Jehan Bochetel, par nous commis à recevoir la somme de six mile livres tournois à nous donnée par les gens des trois estaz du diocèse de Thoulouse à nostre nouvelle venue et première entrée en icelle et autres dons à nous faiz, salut et dilection. Nous voulons et vous mandons que des deniers de vostredicte recepte vous paiez, baillez et délivrés à nostre amé et féal conseillier et chambellan le sire d'Estissac la somme de six vins escus d'or ou monnoye à la value, en quoy lui sommes tenus pour ung cheval que avons fait prendre de lui et icellui donné à nostre très chier et bien amé le sire de Boussac. Et par rapportant ces présentes seulement et certiffication de lui de noz escuiers d'escuierie nous voulons ladicte somme de six vins escus d'or ou monnoye à la value^ estre alloué es comptes et rabatue de vostredicte recepte par noz très chiers et bien amez gens des comptes de mondit seigneur, ausquelz par ces mesmes présentes mandons ainsi le faire sans aucune difficulté ou contredit, non obstant quelconques ordonnances, mandemens ou deffenses à ce contraires. Donné à La Vaur le xxviii*= jour de juillet Pan de grâce mil cccc trente et neuf.
Par monseigneur le daulphin.
J. Bachelier,
15 décembre 1439.
Paiement fait à un marchand de Toulouse pour du velours et du satin destinés à confectionner des vêtements au dauphin. — (Orig. Bibl. nat.. Pièces orig., 377.)
En la présence de moy Jehan Bochetel, notaire et secrétaire
du Roy nostre sire, Huguet de Bourl, marchant, demeurant à Thoulouse, a congneu et confessé avoir eu et receu de maistre Guillaume Goyet, argentier de Monseigneur le Daulphin, la somme de sept vings six livres dix solz tournois en quoy ledit seigneur lui estoit tenu pour la vente et délivrance de huit aulnes et demie de draps de soye par lui baillez et livrés pour ledit seigneur es mois de juing et juillet derrain passez, c'est assavoir pour six aulnes et demie de veloux velouté cramoisi prinses et achectées de lui le xx« jour de juing pour faire une robe pour ledit seigneur, au pris de xx livres tournois l'aune, pour ce vi^^x livres tournois-, pour deux aulnes de satin cramoisi prinses et achectées de lui le xviii'^ jour de juillet pour faire ung pourpoint pour ledit seigneur, au pris de viii livres V solz tournois l'aune, pour ce xvi livres v solz tournois; lesquelles parties font ladicte somme de vii^^vr livres x solz tournois. De laquelle somme de vn"vi livres x solz tournois ledit Huguet s'est tenu pour content et bien paie et en a quicté et quicte ledit argentier et tous autres. En tesmoing de ce j'ay signé ces présentes de mon seing manuel cy mis à la requeste dudit Huguet le xv^ jour de septembre l'an mil cccc
BOCHETEL.
9 octobre 1439.
Le dauphin ordonne au sénéchal de Beaucaire de ne pas forcer les nobles Languedociens à venir le rejoindre. — (Copie. Arch. de l'Hérault, sénéchaussée de Nîmes, t. VITE.)
Loys, fds du Roy de France, daulphin de Viennois, au sencchal de Beaucaire ou à son lieutenant, salut. Gomme pour résister à la descente des Anglois anciens ennemis de cest royaume, naguieres descendus es duchié et pays de Guienne à grand nombre, eussions mandé tous les nobles venir devers nous de cest présent pays de Languedoc, montez et armez chacun selon sa possibilité et estât et dedans certain jour naguieres passé, pour pourvoir à la mauvaise et damnable entreprise desdiz Anglois, lesquels nobles ne sont encores venus devers nous.
obstant ce que partye d'iceux sont allez devers Monseigneur en l'armée qu'il a faite naguieres ou pays de France où encores est de présent; pourquoy ne pouroient bonnement tous venir à nostredit mandement et mesmement ceux des diocèses de Magalone, de Nismes et de Uzès, lesquels, pour ces causes et autres considérations à ce nous mouvant, voulons et nous plaist que tous les nobles des diocezes dessus diz soient francs, quittes et exempts de venir en cette présente armée et à nostredit mandement naguieres fait, comme dit est, parmy ce qu'ils fassent vingt hommes d'armes payez et sousdiez pour un mois à compter du jour qu'ils feront leurs monstres en la ville de Tholoze et aux dépens de tous les seigneurs et nobles des diocèses dessusdiz. Si vous mandons, commandons et très estroittement enjoignons de par mondit seigneur et nous que en ce faisant par lesdiz seigneurs et nobles desdiz diocèses ce que dit est, vous iceux tenez quittes et paisibles de venir en ladite armée, sans pour ce les contraindre ne souffrir estre contraints aucunement en aucune manière, au contraire, car ainsy nous plaist-il estre fait de grâce especialle par ces présentes, nonobstant quelconques lettres, mandemens, deffences par nous données au contraire. Donné à Castres le neufîesme jour d'octobre l'an de grâce mil quatre cents trente et neuf. Par monseigneur le dauphin en son conseil.
J. Bachelier.
15 décembre 1439.
Promesse faite par le dauphin de payer au roi d'Angleterre 30,000 saluts d'or pour la rançon du duc d'Orléans. — (Orig. Arch. nat., K 65, n" 15^2.)
Loys, seul filz du roy de France et daulphin de Viennois, à tous ceulx qui ces présentes lectrçs verront, salut. Gomme nostre très chier et très amé oncle le duc d'Orléans \ prisonnier de Henry, soy disant roy d'Angleterre, adversaire de Mon-
1. Cf. les lettres du dauphin, n»' XX et LIV, adressées au duc d'Orléans.
seigneur el de nous, ail pris certain appoinlemenl avecques ledit adversaire sur son eslargissenient et venue ou royaume de France, pour soy emploier au bien de la paix final devers les royaumes de France et d'Angleterre et pour pourchacier sa délivrance, pour sa quelle venue et eslargissement lui conviegne et ait promis bailler certaines seuretez tant de scellez de nous et autres seigneurs comme de hostages et argent content, savoir faisons que, desirans la venue et délivrance de nostredit oncle et voulans en ce lui aidier et secourir à nostre povoir, nous, par le commandement et auctorité de mondit seigneur avons promis et par ces présentes promectons sur nostre honneur audit adversaire lui rendre et paier ou à ses commis et députez en l'une des villes de Rouen, Calais et Chierbourg, tenant son parli à son chois et élection, et à noz propres coustz et despenz, la somme de trente mil saluz de bon or et de bon poix, de soixante dix ou marc, ou autre bon or, monnoyé à la vallue, de dens la feste de Saint-Andry qui sera l'an mil quatre cens quarente, en rendant, délivrant et mectant par ledit adversaire le corps de nostre dit oncle d'Orléans en sa franchise et liberté ou parti et obéissance de mondit seigneur, garny de bon, vray et loyal saufconduit d'icelui adversaire, par vertu duquel nostre dit oncle et ceulx de sa compaignie puissent venir et aller seurement en l'un parti et en l'autre pour soy emploier, comme dessus est dit, oudit fait de la paix final d'entre lesdiz royaumes et pour pourchacier sa délivrance, ou en deffault de ce rendre de dens ledit terme de Saint-André le corps de nostredit oncle, mort ou vif, prisonnier, comme devant, en l'une desdictes villes de Rouen, de Calais ou de Chierbourg, laquelle que mieulx plaira audit adversaire, on ses mains ou de ses commis et députez. Et pour l'acomplissement des choses dessusdictes nous avons obligié et obligons par cesdictes présentes audit adversaire d'Angleterre, nous et tous et chascUns noz biens meubles et immeubles, presens et avenir, el tout sans fraude, barat ou mal engin. En tesmoing de ce nous avons signées ces présentes de nostre main et à icelles fait meclre nostre seel. Donné à Angiers le xv« jour de décembre l'an de grâce mil cccc trente neuf.
LOYS
Par monseigneur le daulphin, l'evesque de Clermont, les sieurs d'Estissac, de Gamaches, Guillaume d'Avaugour et autres presens.
Dorant.
21 décembre 1439.
Envoi par Charles VII de commissaires en Poitou et en Saintonge sous la conduite du dauphin. — (Orig. Coll. de M. Etienne Charavay.)
Ohnrles, par la grâce de Dieu roy de France, à noz amez et feaulx les generaulx conseillers par nous ordonnez sur le fait et gouvernement de toutes noz finances tant en Languedoil comme en Languedoc, salut et dilection. Comme par noz autres lectres patentes données le xii^ jour de ce présent mois de décembre ' et pour les causes contenues en icelles nous ayons commis et ordonnez noz amez et feaulx maistre Jehan de Montmorin, nostre conseiller et maistre des requestes de nostre hostel, Pierre de Tullieres, chevalier, et maistre Jehan Colas, noz conseillers en nostr^ court de Parlement, aîereteulx transporter en noz pais de Poictou et de Xainctonge et gouvernement de la Rochelle et autres d'environ en la compaignie de nostre très chier et très amè fdz Loys, daulphin de Viennois, pour eulx informer de plusieurs pilleries, roberies, rebellions et désobéissances, abuz de justice, tors, griefz, exactions et autres crimes et maléfices commis et perpétrez en nosdiz pais par plusieurs de nos subgiez et autres es tans en iceulx et pour en congnoistre, déterminer, jugier, composer, condemner et corriger les dehnquans civilement ou corporelment selon l'exigence des cas "par l'ordonnance de nostredit fllz, ainsi que plus à plain est contenu en nosdictes lectres, sans ce que encores
1 . Ces lettres, par lesquelles Charles Vil chargeait le dauphin de chasser les ennemis et les brigands qui ravageaient le Poitou, la Saintonge et le gouvernement de la Rochelle, existent en vidimus aux Archives nationales, K 65, n° 1 1.
ayons ordonné aucune personne à la rcceple des deniers qui vendront cl y seront des amendes, compositions et exploiz de ladicte commission, savoir vous faisons que nous y voulans pourveoir, confians des sens, loyaulté, preudommie et bonne diligence de nostre amé et féal clerc, notaire et secrétaire maistre Henry Blandin, icollui avons commis et ordonné et par ces dictes présentes commectons et ordonnons receveur des deniers et finances qui vendront et y seront des amendes, compositions, condcmnations, confiscations et autres exploiz de ladicte commission de nosdiz conseillers aux gaiges, voyages et chevauchées qui par nous ou vous lui seront pour ce tauxez et ordonnez, et autres droiz, proffiz et emolumens qui y appartiennent. Et audit maistre Henry avons donné et donnons plain povoir, auclorilé et mandement espetial de demander, requérir et recevoir de toutes et quelconques les personnes qu'il appartendra les sommes de deniers en quoy à la cause dessusdicte ilz nous seront tenuz de leur en donner quictances générales ou particulières valables à leur descharge et acquit, de contraindre et faire contraindre tous ceulx (jui pour ce seront a contraindre à paier les sommes qu'ils devront par prinse vendue et explectalion de leurs biens meubles et héritages, emprisonnement de leurs personnes, et par toutes autres voyes et manières acoustumées à faire pour noz propres debtes, et généralement de faire toutes autres choses qui au fait de ladicte rcceple apparlendront, lesquelz deniers ainsi receuz par ledit maistre Henry seront par lui paiez et délivrez par nos lectres patentes expédiées par vous et par descharge de maistre Jehan de Xaincoins, receveur gênerai de nosdictcs finances conlrerolées, comme il appartient, et par voz lectres et tauxacions. Si vous mandons que prins et receu dudict maistre Henry Blandin le serement en tel cas acoustumé vous le faites, souffrez et laissez faire et exercer ladicte receple, et nous voulons et mandons par ces mesmes présentes à tous noz justiciers, officiers et suL'gicz que à icellui Blandin et à ses commis et depputez en faisant sadicte commission de receple, circonstance et deppendance d'icelle, obéissent et entendent diligenment, non obstans queizconques ordonnances, mandemens, defîenses et lectres à ce contraires, sans préjudice des offices dudit maistre Henry ne d'aucun
d'iceulx, ni des bourses et gaiges ne qu'ilz soient ou puissent estre soubz umbre ou tiltre du contenu en ces présentes sur lui impetrables. Donné à Angiers le vint ung™^ jour de décembre l'an de grâce mil cccc trente et neuf et de nostre règne le xviii«, soubz nostre seel ordonné en l'absence du grant. Par le ro}' en son conseil.
J. Dijon.
