Lettre n° LI, p

3. Arch. de Lyon, BB5, fol. 256 v» : « Item Anthoine Leydier, dorier, leur a présenté unes lectres missoyres et closes de Monseigneur le Daulphin par lesquelles leur estimoit qu'ilz voulsissent tenir franc et quicte ledit Leydier, son orfèvre et varlet de chambre, de taille, et le rayer des papiers de l'assiete d'icelle, comme autreffois leur avoit escript et sur ce lui faire response. Item après la réception, ouverture et lecture desquelles avec tout honeur et révérence, ilz ont arresté d'estre et soy assembler demain en plus grant nombre pour y délibérer et faire response telle qu'il sera advisé. »

4. Arch. de Lyon, BBo, fol. 257 v» : « Item pour plus amplement conclurre et délibérer sur les lectres missoyres lesquelles monseigneur le Daulphin leur a derrenierement escriptes en faveur de Anthoine le dorier et dont les aucuns d'eulx, mesmement ledit Brunier, estoit d'oppinion que l'on en devoit faire response de bouche ou par escrit à mondit seigneur le Daulphin, veu qu'il la demande par sesdictes lectres, ilz ont conclu que demain ilz en parleront aux gens et officiers du Roy estans en ceste ville et leur monstreront lesdictes lectres, et puis en conclurront ainsi qu'il en sera advisé. »