A LA VILLE DE SENLIS

Ch;ilons-Pur-Marne, 17 juillet 1445.

Demande d'une somme d'argent pour l'aider à payer les dettes contractées l'année précédente en conduisant les routiers en Allemagne. — (Archives de Senlis, BB III, fol. 50 v.)

De par le dalphin de Viennois.

Très chiers et bien amès, vous savez assez comment par le bon plaisir et voulentè de Monseigneur en la saison passée avons fait widier et mettre hors de ce royaume en grant danger de notre personne tous les cappitaines, routiers et autres gens de guerre espandus en icellui à la foule et totale destruction des pays de mon dit seigneur, et iceulx menez et fait vivre par longue saison ou pais delemaigne à ce que les pilleries poussent cesser et le povre peuple et subgiez de mon dit seigneur demourer et vivre seurement. A quoi avons, moiennant la merci et aide de nostre seigneur, bien pourveu et remédié, ainsi que nostre vouloir estoit de faire et encores est, se besoing en estoit. Lesquelles choses n'avons peu parfaire ne iceulx gens d'armes entretenir sans faire plusieurs grosses finances d'argent tant par empruns comme autrement, dont à

recette générale de toutes les finances de la reine (14 janv. 1460 et 10 nov. 1463). Il était né à Reims et avait épousé la sœur de Jacques Cœur.

ceste cause sommes tenus et obligés et que bonnement ne pourions payer sans l'aide de vous et d'autres subgiez de mon dit seigneur, obstant les grans charges qui de présent sont sur ses finances. Si vous prions et requérons, tant et si acertes que plus povons, que nous veullez donner et octroyer à cestui nostre besoing et première requeste aucune somme d'argent présentement à vous supportable pour icelle convertir et employer en ce que dit est et aussi pour subvenir en nos autres affairez. Ce faisant, nous ferez très singulier plaisir et le recognoisterons en temps et en lieu quant d'aucune chose aurez à besongner devers mon dit seigneur et nous pour vos affairez. Très chiers et bien amez, nostre Seigneur soit garde de vous. Escript à Chaalons sur Marne le xvii^ jour de juillet ' .

LOYS

Tribole.

A nos très chiers et bien amez les gens d'église, bourgois et habitans de Senlis.