A LA VILLE DE LYON
La Sône, 30 novembre 1448.
Ordre de rayer de l'assiette de l'aide mis sur la ville de Lyon Girard Signion, son chirurgien et valet de chambre. — (Arch. de Lyon, BB 5, foL 32 v.)
De par le daulphin de Viennoys.
Chiers et bien amez, nous avons sceu que nagueres
VOUS avez mis et impousé en l'aide qui est à présent mis sus en la ville de Lyon nostre bien amez sirurgien et valet de chambre en ordonnance, Girerd Sij^nion ^ et le lui vouliez faire paier, laquelle chose est contre raison, car vous sçavez que les officiers et serviteurs de Monseigneur, de Madame et de nous, sont francs par tout le royaume de toutes tailles et subsides, et pour ce vous prions et requérons très acertes, et sur le service et plaisir (jue nous désirés faire, que nostre dit cirurgien vous faictes oster et raier de ladicte assiete faicte dudit aide, et ne le contraignez en aucune manière à le paier ne les autres advenir, mais le faictes tenir quicte, franc et exempt, sa vie durant, sans aucune chose lui en demander ne faire demander, ores ne pour le temps advenir. En ce faisant vous nous ferez très agréable plaisir et feré vostre devoir et vous en saurons très grant grès, et en aurons vous et voz affaires pour especialment recommandés quant le cas escharra; autrement aussi n'en serons pas contens et soustendrons pour garder noz privilèges et ceulx de noz serviteurs, nostre dit serviteur en son bon droit. Et de ce que aurez entencion d'en faire, nous faictes response par ce pourteur, lequel nous envoyons pour ceste cause par devers vous. Ghiers et bien amès, Nostre Seigneur soit garde de vous. Escript à Lasonne^ le dernier jour de novembre^. ,
LOYS
Héron.
1. Signion figure comme exempt de tailles dès Tannée suivante. (Arch. de Lyon, CG 70, fol. 647 r°.)
2. La Sùne (Isère), à 6 kiL de Saint-Marcellin. Ce village, situé sur la rive droite de l'Isère, était dominé par un château bâti sur des rochers à pic.
3. Cette lettre fut transcrite sur les registres municipaux de Lyon le dimanche 8 décembre 1448.
A noz chiers et bien amez les esleuz sur le fait des aides pour monseigneur et les conseillers et bourgoys de la ville de Lion.
