AUX GENS DES COMPTES A GRENOBLE

La Tour du Pin, 6 décembre 1449.

Avis de l'ordre donné par lui de faire la révision des feux de la ville de Romans. — (Orig. Arch. de l'Isère, B2728, fol. 491.)

De par le daulphin de Viennoys.

Noz amez et feaulx, nous avons ordonné certaine revision estre faite des feux de nostre ville de Romans, pour ce qu'ilz nous ont fait exposer qu'ilz sont fort diminuez du nombre des feux, à quoy ilz furent remis par leur derraine revision ; et avons ordonné les informacions en estre portées par devers vous. Si les remectez en nombre des feux qu'il vous appairra par icelles informacions qu'ilz pourront porter, car nous ne vouldrions point qu'ilz feussent excessivement chargez de noz tailles et aides en manière qu'il leur conveinst délaisser nostre dicte ville, ce qu'il leur fauldroit faire se sur ce ne leur estoit par nous pourveu comme ilz nous ont fait remonstrer. Noz amez et feaulx, Nostre Seigneur soit garde de vous. Escript à la Tour du Pin le vi® jour de décembre ~.

LOYS

GUERIN

A noz amez et feaulx conseilliers les gens de noz Comptes residens à Grenoble.