Voir la notice à la (in du volume

saulx de Monseigneur et de ma Dame, nous vous prions très a certes et sur le service et plaisir que faire nous desirez que doresnavant vous ne tauxez, asseiez ou imposez nostre dit conseiller es tailles, aydes, dons gracieux et autres subsides quelconques qui seront mis sus et octroyez à mon dit seigneur en la ville de Lyon, ouquel lieu nostre dit conseillier tient son mesnaige et sa demourance, et que le vueillez faire oster et rayer des rolles, papiers et registrez où il auroit esté enregistré et enrollé le temps passé à cause desdites tailles, aides et aultres subsides, sans aucune chose luy en demander ne faire paier doresnavant, comme dit est. Et en ce faisant nous ferez très agréable et singulier plaisir, autrement nous nous y ferions pourveoir en manière que nostre dit conseillier demourra franc, comme raison est, et comme font noz autres officiers ordinaires et commensaulx. Et de ce que faire en vouldrez nous faictes response. Très chiers et bien amez, Nostre Seigneur soit garde de vous. Escript à Saint-Donat le ix® jour de juing.

LOYS

J. Bourré.

A noz très chiers et bien amez les conseillers de la ville de Lyon.