AUX GENS DU CONSEIL DELPHINAL A GRENOBLE

Moras, 18 décembre 1450.

Ordre de constituer sur la châtellenie de Cornillon 200 livres de rente accordées par lui au sire d'Entremonts. — (Orig. Arch. de l'Isère, B 2957, n' 23.)

De par le daulphin de Viennois.

Noz amez et feaulx, combien que plusieurs foiz vous ayons mandé et escript que vous baillissiez au seigneur d'Entremont sur l'une de noz chastellenies plus prouchaine de ses terres l'assiette de deux cens livres de rente en directe et juridiction et autres bonnes revenues, toutesvoyes encores n'en avez riens fait, comme nous avons entendu. Si vous mandons bien expressément, et sur tant que nous doubtez desplaire, que incontinent vous lui' délivrez ladicte assiete par la manière que dit est, à l'estimacion de ce que lesdictes directe et juridiction que lui baillerez auront peu valoir en XX ans, et lui baillez icelle assiete sur nostre chastellenie de Cornillon \ car nostre plaisir est tel, pour ce que la chose lui sera plus aisiée et propice à cause que sesdictes terres en sont près, à commencer à en prendre et lever les deniers de ladicte rente à ceste Saint Jehan Baptiste prouchain venant, et le résidu qui demourra des cens et rentes de nostre dicte chastellenie avecques nostre chastel d'illec fàictes régir et gou-

1. Cornillon (Isère). On y voit encore les ruines d'un château delphinal.

LOUIS DAUPHP^\ 51

verner par nostre chastellain dudit lieu. Nostrc Seigneur soit garde de vous. Escript à Moras le xviii^ jour de décembre'.

LOYS

A noz amez et feaulx de nostre Conseil et de noz Comptes residens à Grenoble.