AUX ÉLUS ET CONSEILLERS DE LYON

Valence, 22 novembre 1452.

Prière de rayer du registre des tailles Antoine Laydier, son valet de chambre et premier orfèvre. — (Orig. Arch. de Lyon, AA 23,

De par le daulphin de Viennois.

Très chiers et bien amez, nous avons sceu que, combien que nostre chier et bien amé varlet de chambre et premier orfèvre et officier commensal nous servant en ordonnance, maistre Anthoine Laydier^, demourant à Lyon, soit et doye estre quicte, franc et exempt de toutes tailles, aydes, subsides et autres subvencions mis et à mectre sus en ladite ville, et doye joyr de telx et semblables previleges que les serviteurs et officiers commensaulx de Monseigneur et de Madame, et à ceste cause doye estre rayé et osté des registres, pappiers et escriptz des tailles et subsides d'icelle ville, neantmoins les commis à lever icelles tailles se sont parforcez et parforcent chascun jour à lui en faire payer comme aux autres de ladite ville qui ne sont pas de sa condicion, et de fait lui eussent bien voulu contraindre, se ne fust le reffus que tousjours en a fait, à l'occasion duquel ilz s'en sont aucunement supercedez et désistez, mais pour riens ne l'ont voulu ne veullent ester ne rayer desdiz pappiers, registres et escriptz. Parquoy il doubte, comme vraysemblablement est à doubler, que ou temps avenir lui en veullent faire