AU DUC D ORLEANS

Romans, 18 mai 1456.

Annonce de la réponse peu favorable faite par le roi à Guillaume de Courcillon, et prière d'intervenir en sa faveur. — (Orig. Coll. de M. Etienne Charavay.)

Très cher et très amè oncle, ainsi que pensons que de la part de Monseigneur avez bien esté adverty que avons envoyé messire Guillaume de Courcillon, nostre chambellan, par devers lui, avec lettres de créance et olYres, dont par ce porteur vous envoions le double,

et entre autres pour lui supplier la seureté de nostre personne et qu'il lui pleust estre content de noz serviteurs , qui nous sembloit estre bien raisonnable , actendu les rappors que on lui a faiz, de quoy a eu et a encores de grans suspeczons sur nous, et aussi nous en a Ion fait, de quoy avons de grans craintes et non sans cause, à quoy nous a esté fait par le chancelier en sa présence bien estrange responce, ainsi que pourrez voir par le double d'icelle que vous en envoions. Et pour ce, très cher et très amé oncle, vous prions tant et de si bon cuer que plus povons et ainsi que y estes tenu, que veillez, le plus tost en ce monde que possible vous sera, vous trouver par devers mondit seigneur ou envoier pour lui suplier et requérir, ou nom de la passion nostre Seigneur, qu'il lui plaise de sa grâce nous octroyer les deux poins dessusdiz, qui n'est pas grant chose, tout considéré. Et ou cas que ne seroit son plaisir s'en contenter et les nous octroyer, qu'il lui plaise fayre remonstrer à vous et autres seigneurs du sang et son grant conseil la desplaisance qu'il a envers nous et pour quoy, et au plaisir Dieu nous en excuserons tellement que Dieu, Monseigneur et vous autres seigneurs du sang et du grant conseil, en devrez par raison estre contcns, et qu'il lui plaise, lui qui est prince de justice, ne vouloir concevoir une si grant merencolye contre nous, sans que premièrement noz raisons et excusations soient oyes, qui est chose qui ne se devroit denyer au plus estrange du monde. Très cher et très amé oncle, nostre Seigneur vous ait en sa sainte garde. Escript à Romans le XVIII® jour de may.

LOYS

Bourré.

A nostre très cher et très amé oncle le duc d'Orléans.

AU ROI DE FRANCE

Romans, 28 mai 1456.

Envoi de Guillaume de Courcillon et du prieur des Gélestins d'Avignon. — (Orig. Bibl. nat., Fr. 2811, n" 27; publié dans la Chronique de Georges Chastellain, éd. Kervyn de Lettenhove, t. m, p. 59.)

Mon très redoublé seigneur, je me recommande à vostre bonne grâce tant et si très humblement comme je puis. Et vous plaise savoir, mon très redoubtè seigneur, que je renvoyé présentement par devers vous messire Guillaume de Coursillon, et avec lui le prieur des Gélestins d'Avignon •, pour vous dire aucunes choses. Si vous suplie, mon très redoubtè seigneur, que vous plaise les oyr et croyre de ce qu'ilz vous diront de ma part, et m'avoir et tenir tousjours en vostre bonne grâce, ensemble me mander et commander voz bons plaisirs, pour iceulx faire et acomplir à mon povair - ; au plaisir de nostre Seigneur qui par sa très sainte grâce, mon très redoubtè seigneur, vous doint très bonne vie et longue. Escript à Romans le XXMII^ jour de may.

Vostre très humble et très obéissant filz.

LOYS^