mai 15/iO ; de Paris

Charles de La TrémoïUe, abbé de Saint-Laon-de Thouars (1),

A la même, sa mère (2).

Accusé d'avoir voulu quitter le lon7iet rond pour devenir homme de guerre, il se disculpe en signalant les auteurs du conseil qu'il a refusé de suivre.

A MADAME

Madame , il vous a pieu me escripre que trouviés fort estrange l'exortation que m'a faict Mons' de Roncée et le protenotayre. Je vous asseure, Madame, il me en onst bien mandé d'aultres, qui ne sont ni bonnes ni honnestes pour ung homme de telle eage qu'il est; et Madame, si vous plaist, vous ne regarderés pouint tant à ces paroles, car, nyent tout ce qu'il me a mandé , Madame , je vous veulx bien escripre la pure vérité, afîln que ne pansiés que cela soit venu de moy.

C'est que Monsieur de Roncée me maudist, aulx premières lectres que vis qu'il escripvoit h son fil le protenotayre, que je laysassc le bonnet rond et que feusse de Testât de guerre ; et que je serois meilleur à cela que à aultres choses. Je demandis au protenotayre si Monseigneur le vouldroit bien, et mes ques Monseigneur me le mandist que je le feroys. « Monsieur ne a garde de vous le mander, mes il faut qu'il viennent de vostre plain vouloyr » ; et que je luy mandasse : « Monsieur, je ne veulx plus estudier. » Et me dit ancore : « Il ne vous an fera pas par force. »

Madame, si le protenotayre veust monstrer ces lectres que son père luy avoyt escript, vous an connoistriés la vérité ; mes tout leur refuge est à monstrer les miennes lectres, les quelles me a duict à escripre le protenotayre. Par les aultres lectres il mandoyt que je laysasse le bonnet rond et que me derrobasse de Monseigneur, et que alasse à la court à Monsgr d'Orléans (3) et que je fisse comme Monsgr nostre grand père (/i), qui à l'eage de quinse ans ce dérobist de son père ; et que en Testât où je estoys que Monseigneur ne me feroyt pouint de bien et que il ne me prochaseroyt jamés rien. Madame, je vous supplie très humblement leur demander les lectres et an sçarés la vérité. Le protenotayre me a escript depuis que mestre Claude, vostre serviteur, est revenu, et me mandoyt que il ne me en parlist jamés. Il est gentilhomme. Madame, mes ce n'est pas Testât d'un gentilhomme de mantir comme il mant ; et encore injurioyet mon précepteur (5) par les lectres qui m'escript, et le apelloyt meschant, lesquelles je vous anvoyré quant il vous playra. Je lui faicts response que pourrés veoir si il vous plaist. Il dict que c'est mon précepteur qui me les a faict fayre : Madame, il ne me en parlist ni en fist un trect de pleusme jamés. Et s'il estoit vray je ne vouldroys pouint mantir ; et je vous supplie. Madame, estimer tant de mon précepteur qu'il ne me vouldroyt disre chose qu'il ne feust à mon proffit et n'i pansit jamés : parquoy. Madame, je vous supplie très humblement ne en sçavoyr mauvais gré à mon précepteur.

Madame, ne en prenés pouint de fascherie, car dornavant je feray si bien et estudiray, avec Taide de Nostre Seigneur et

de mon précepteur, que la fascherie que vous avés ce tournera an joye ; et ne ay pouint amprunté de mansonge de personne, sinon de mon esprit la propre vérité ; et veus bien vous advertyr que il me vouloyt fayre laisser l'abaye de Saint Lon, et ne l'ouseroyt nyer. Madame, je me recommande très humblement à vostre bonne grâce, an supliant Nostre Seigneur vous donner bonne et longue. vie, à la fin ce que plus désyrés.

De Paris, ce xxii' de may, par vostre très humble et très obéissant fil,

CHARLES DE LA TRÉMOILLE

Madame , il vous plaira me mander si avés receu les présentes.

Olographe.

(1) Troisième fils de François de La TrémoïUe et d'Anne de Laval, abbé de Saint-Laon-de-Tliouars et de N.-D. de Chambon, près cette ville, il devint sg"" de Mauléon, Marans en Aunis et Doué en Anjou, et mourut en 1552.

(2) En réponse à ce qu'elle lui avait écrit le 5 mai précédent :

« Charles, j'ay veu vostre lettre, et trouve par trop estrange Teiora tacion et conseil que vous ont donné les nommez en icelle, veu le « bien et honneur qu'ilz ont receu et reçoipvent de jour en jour de « nostre maison ; car ce seroit le plus grant mal qui vous pourroit t arriver que de discontinuer vostre estude, ce que Monseigneur et « moy n'entendons, mais que la continuez de bien en myeulx, car « c'est le moyen par lequel pouvez plus acquérir de bien et d'honneur. « Et se aultrement vous le faictes, soiez seur que le nom d'enffent, « que vous appeliez , vous sera eslogné de telle faczon que n'en « aurez aulcun secours, aide ne faveur, ne pareillement espérance t de rentrer en nostre bonne grâce : par quoy d'oresnavant ne croiez « plus de tel conseil qui n'est comme donnez cognoistre, veu vostre « eaige, vostre profût et honneur. Qui est lia etc., etc. J'ay parlé au « prothonolaire du contenu en voz lettres qui m'a fait response ne « vous avoir jamais donné le conseil tel que le dictes , mays que « c'est vostre propre mauvays vouUoir ; et que ce qui vous a fait « rescripre les lettres de Monseigneur et de moy a esté à la précipi-

« talion (le vostre précepteur : parquoy fêtes certain mondit seigneur a et moy de la vérité sans emprunter des mensonges qui portent « préjudice à aultruy.

c Du V* jour de mai v^^xl. »

Minute.

(3) Depuis le roi Henri II.

(4) Charles de La TrémoïUe, prince de Talmond, mort à la suite de la bataille de Marignan.

(5) Voir n» 82.

9/i. — 21 octobre, vers ibhO ; de Mennerays (1).

Louis V de Rohan-Guéméné (2), A la même, sa belle-sœur.

Envoi d'un lévrier.

A MADAME MA SEUR, MADAME DE LA TRIMOUILLE

Madame ma seur, je vous remercye bien fort de la penne qu'il vous a plu prendre de me faire entendre devez nouvelles; et en ce qu'est des miennes, je foys bien bonne chère, aussi faict vostre nepveu et niepce. Au regard des deux lepvriers que me demandez, il me desplaist que je ne les vous puis fournir pour ceste heure. Je vous en envoyé ung qui est de la meilleure race et ung des bons que j'aye; et povez croire que si j'avoys aultre chose qui vous fust agréable, qu'en finiriez d'aultant bonne volonté que personne qui vous voulsist obéyr. Qui sera l'endroict où me reconmenderé de bien bon cueur à vostre bonne grâce, supplyant Noslre Seigneur vous donner, Madame ma seur, bonne et longue vie.

A Mennerays, ce xxi" octobre.

Vostre entièremant meilleur frère, sur quy avés plus de puissance,