févriei' vers 15A2 ; de Doué

Les officiers de Doué (1),

Au vicomte de Thouars, Louis III de La Trémoïlle (2).

Prière de retarder son entrée solennelle à Doué, pour que les habitants aient le temps de faire les préparatifs nécessaires, et afin d'éviter la mauvaise saison (3).

A MONSEIGNEUR

Monseigneur, suyvant les lettres qu'il vous a pieu nous envoyer, voz hommages seront publiez au jour par vous préfix. Et pour le regard de l'entrée, avons dès le lendemain de la réception de vostre lettre, icelle communiquée aux liabitans de ce bourg, et leur avons faict entendre vostre voulloir et exhortez d'y obéyr, les quelz ont bonne volunté de faire leur debvoir envers vous. Mais, Monsgr, ilz dyent que le temps est si brief et incommode qu'il leur est impossible eulx préparer en Testât et équipage qu'ilz désirent pour vous recepvoir en honneur : par quoy vous supplient très humblement, qu'il vous plaise, quant à présent, vous déporter de ladicte entrée, ou à tout le moins icelle supersedder jusques après la recollection des fruictz, pendant lequel temps ilz ont délibéré faire leur debvoir. Monsgr, à la vérité et selon nostre advis, lesdictz habitans ne sçanroient avoir le loisir ne faculté de vous recepvoir honnorablement au dedans du temps mentionné par voz dictes lettres,

ainsi qu'ilz nous ont respondu aux advertissemens par nous à eulx faictz tant en général que en partlcullier, au nioïen de l'incommodité et stérilité du temps, multitude des pauvres et aultres causes qu'ilz nous ont déclarées : par quoy, Monsgr, bon seroit, s'il vous plaisoit, de remectre et supersedder ladicte entrée à tel temps commode qu'il vous plaira adviser: combien que , de nostre part ayons déclairé ausdictz habitans que sommes prestz de obéyr à vostre vouUoir. Vous suppliant auseurplus, Monsgr, nous commander voz bons plaisirs pour y obéyr, Dieu aydant ; lequel prions vous donner bonne et longue vye.

De Doué, ce xxii" de febvrier, par voz très humbles et obéissans,