Vers mars

La vicomtesse de Thouars (1), Au même, son fils aîné.

Remontrances au sujet de dépenses excessives, et instructions pressantes pour diverses affaires.

A MON FILZ MONSIEUR DE LA. TRÉMOILLE

Mon filz, j'ay veu les lettres que m'avez escriptes, tant par vostre barbier que par le messagier Hochais, pour vous envoyer argent, veu la grosse despence que vous faictes. J'ay faict assembler nostre conseil et appeller le général (2j , lequel a

monstre Testât faict et signé par nous deux, et dict que, scelon icelluy, il vous a fourny la somme de seize cens livres pour deux mois, et pour le troisiesme mois qu'il reste huict cens livres, qu'il vous envoyé ; et que de satisfaire oultre n'est possible veu mesraement que vous avez prins l'argent des boys de Sully (3), choze que je trouve bien estrange, d'autant que, par ledit estât et la commission que avons baillée à Mons' de Presle, il devoit envoyer l'argent audit général, pour satisfaire à l'ordonnance de feu Monseigneur, que vous estes bien tenu garder et observer ; veu aussi que ne voulez ratiffier la ferme de Craon, au moyen de quoy seroit impossible audit général satisfaire audit estât et à vostre despence qui est par trop excessive. Et si vous voulez continuer, je serois contraincte, pour moy et mes aultres enfans, demander ce qui nous appartient, car aultrement nous ne pourrions vivre et acquiter noz debtes et l'âme de feu mondit seigneur, et le tout s'en yroit en désordre et confusion , qui viendroit à nostre grand déshonneur : oultre ce que je suys pressée tous les jours des bouchers et aultres qui ont fourny pour la despence de céans, dont la debte se monte plus de m mil livres, ensemble du reste qui est deu de la mise de l'obsecque de feu mondit seigneur, qui se monte quatre mil livres ; et encores suys je tous les jours adjournée pour les aultres debtes de feu mondit seigneur. A ceste cause, mandez raoy ce que avez délibéré faire sur tout ce que dessus.

Quant à la vaisselle d'argent, on n'a sçeu trouver moyen d'y satisfaire, à cause principallement du retardement desditzboys de Sully et ferme de Craon, et ne seroit honneste que ceux qui s'en sont meslez en fussent en payne, aussi que c'est frauder l'intencion de mondit seigneur : car vous sçavez qu'il avoit baillé ladicte vaisselle pour estre quitte de ce qu'il devoit à Mons' de Maillé (/i), et que en cest intencion il a esté appelle de Dieu ; et ne vous sçauroit venir que tout malheur de aller au contraire.

Madame de Busset (5) m'a escript qu'il est nécessaire que vous faciez les hommaiges des terres de Berry (6) : au Roy, pour celles dont l'hommage luy en est deu ; aussi à Mons' de

— nii —

Chasteauroux pour celles qui sont tenues de luy, s'il est à la court, synon il fault que vous passez procuracion pour les luy faire; ensemble à Mess" de Sainct Sulpice de (7).... pour ce qui est tenu d'eulx et que vous y envoyez, aultrement les dommaiges et intérestz en tumberont sur vous.

Le chastellain de Montaigu (8) a adverty que vous faictes expédier le don des rachaptz des terres de Bretagne, et qu'il soyt emploie es lettres de l'expédicion d'érogacion des ordonnances et aultres choses contraires ; et qu'elles soyent expédiées pour le tout, car l'on ne les expédieroit aux comptes de Bretaigne que pour la moictié.

Et touchant les lettres qu'il a pieu à Monseigneur le Dauphin vous escripre, pour trouver les tiltres de la maison de Bouloigne (9), je feray veoyr au trésor de céans et chercher ce qui s'en pourra trouver, et vous en feray sçavoir par les premiers.

Qui sera la fin, pour me recommander d'aussi bon cueur à vous quejesuplye le Créateur vous donner l'honneur et bien que vous désire vostre bonne mère,