Ve7's le milieu de

Marguerite d'Angoulème, reine de Navarre (1),

A la même.

Vive part qu'elle prend aux chagrins causés par la conduite de son fils Louis III de La Trémoïlle. Conseils à propos d'un projet de mariage entre celui-ci et la fille de l'amiral de France.

A MA NIEPCE MADAME DE LA TRIMOILLE

iVIa nyepce, Madamoiselle de La Benestaye, à son arrivée icy, m'a faict entendre l'ennuy et fâcherie où vous estes : et vous

asseure que si vous eussiez esté présente quant elle nme le comptoit, vous n'eussiez sçeu dire laquelle de moy, de vous ou d'elle en estoit la plus marrye ; et me desplaist grandement de veoir telles choses advenir entre les personnes que j'ayme, et mesmes quant je ne y puis donner l'ordre que je vouldrois bien faire, qui m'est double fâcherie. Si j'estoys près du Roy, je luy en parleroie, et aux autres à qui il en fault parler ; mais puisque j'en suis absente, il me semble que ne pourriez myeulx faire que lors que la court sera à Amboyse, ou autres lieux es environs qui ne sont loing de vous, que vous y debvez aller et vous addresser franchement à Madame d'Estampes (2) et à Mons' l'Admirai, et leur dire que vous ne cherchez ne demandez rien que l'amytié de vostre filz ; et que si l'on entreprand quelque mariage pour luy que vous en estes très contante, et que vous ne vous souciez de celh, ne des biens, mais seuUement de vivre en amytié avec vostre filz. Et quant on verra que vous tiendrez ce langaige, qui viendra en la congnoissance du Roy , j-e croy fermement qu'il servira plus à vous conduire à la fin où prétendez que toutes les choses du monde. Vous asseuiant, que s'il estoit en ma puissance de vous donner meilleure ayde ou conseil, que je le ferois de très bon cueur ; mais il me semble ce estre le meilleur chemin que vous saichez prandre pour vostre repoz, veu que l'on prétend au mariage de vostre filz et de la fille de Mons' l'Admirai (3), ainsi que plus amplement vous en orrez parler, car j'en ay entendu quelque chose.

Qui sera l'endroict où fineray ma lectre, en suppliant le Créateur, ma nyepce, vous donner aussi parfaict contantement que pour soy le vouldroit espérer vostre bonne tante et amye,