lOjuiji [1508]; de Talmond

Les officiers de la principauté de Talmond, en Bas-Poitou, A la vicomtesse de Tliouars.

Excès commis par les gens du s"" de Bazoges (I), contre des marchands qui se rendaient au marché des Mouiiers-les-Maufaits.

A MADAME

Madame , si très humblement que faire pouvons nous recommandons à vostre bonne grâce.

Madame, plaise vous savoir que ces jours passez deux des gens de mons"' de Bazoges feirent quehjue excès en vostre ville et marché de Thalemond, au moieii de quoy, sur leur informacion faicte, furent constituez pi'isonniers et menez en vostre chasteau ; dont si toust que ledit seigneur de Bazoges fut adverty, vint à deux ou troys heures de là, avecques ung nombre de gens armez et enbastonnez, auquel fismes délivrance de sesdictes gens jusques à voz prouchaines assises d'em[)rès, pensans par le moien de luy qu'ilz ne feissent plus aucuns excès en vostre terre. Et s'en allèrent adjournez à vosdictes assises ; mais ce non obstant le sourlendemain , que les marchans de voslre dicte ville aloient au maiché aux Aloustiers des MaufTaictz, les dessusdiz , qui ainsi avoienl esté arrestez prisonniers, se mistrent en enbusche au grant chemin près la maison dudit sgr de Bazoges, et oultragèrent lesdiz marchans et leur feirent de grans excès, en hayne de ladicte prinse, dont fut et est très grant bruyt et scandalle en voslre seigneurie et environ ; et si veulent en oultiager en plus large, en manière qu'il n'y a celluy ou pays qui n'en sdt de présent en grande craincte de sa personne, comme le tout vous plaira veoir par les informacions sur ce faictes que vous envolons par ce porteur.

Madame , premier que y donner aulcune provision avons advisé vous en advertir, parceque ne savons par quelle auctorité vous plaira y faire pourvoir, tant pour cause dudit excès faict que pour obvyer à autres qui se pourraient faire : vous suppliant nous eu faire savoir vostre bon plaisir, car si advisez

que ce soit par auctorité de vostre court de ceste ville, l'éxécucion en sera difTicille quant h nous.

Madame, il vous plaira au sourplus nous commander voz services pour très hambleinent y obéir, Dieu aidant, auquel prions vous donner , Madame , très bonne vie et longue et l'acomplissement de voz très liaults et très nobles désirs.

En vostre ville de Thalemond, le xx* jour de juign. Vos très humbles et très obéissans serviteurs,