A MONSEIGNEUR LE JUGE DE LA PRÉVOSTÉ, A ANGIERS

Monsgr, j'ay naguères receu unes lettres de nostre seigneur et maistre Monsgr de La Trimoulle, par lesquelles me mande faire adjournez Claude d'Avaugour, en vertu de commission de Mess" des Requestes envoyée par mondit sgr avecqueslesdictes lettres. Suyvant la teneur de la quelle commission, me suys enquis qui est ledit Claude d'Avaugour, et trouve que le conseil de mondit seigneur n'a bien entendu les personnes à qui il se fault adressez, car du mariaige de feu messire Guy

d'Avaugour et de damoiselle Guyonne de Villeprouvée, n'y a de présent héritier quedanioyselle Claude d'Avaugour, espouse de Mons' de la Plesse Clérambault. A ceste cause, soubz vostre corection et meilleur advis, me semble qu'il sera bon réformez ladicte commission , afin que en la reformant , soit mandé adjournez ledit s' de la Plesse, comme mary de ladicte Claude, pour procéder oudit procès et constituer nouveau procureur. Je vous envoyé ladicte commission, à ce que sur ce vous plaise •me conseillez ; car si voyez que en vertu de ladicte commission doibve faire adjournez ladicte Claude , je le feré , combien qu'elle ne soit le filz dont mention est faicte en icelle commission. Qui sera fin, après m'estre recommandé bien humblement à vostre grâce.

Escript en vostre maison à Chasteauneuf, par vostre humble serviteur,