octobre 1547 ; de Bruxelles

Anne de Lorraine (!), veuve de René de Ghalon, prince d'Orange,

A la vicomtesse de Thouars.

Demandée par celle-ci en mariage, pour son fils aîné, le vicomte de Thouars, elle ne peut, malgré son vif désir, répondre sans avoir reçu conseil de ses parents, desquels l'a éloignée un voyage à faire avec la "veuve du roi.

A MADAME DE LA TRÉMOILLE

Madame, j'ay receu voz honnestes lettres, par le s' de La Guyonnière (2), et atendu, avec Mons' de La Fuye, les bons et honnestes propos qu'il vous a pieu me mender, suyvant ce qui est mis en avant de Mons' vostre filz et de moy (3) ; dont je vous mercye humblement de vostre tant bon affectionné vouloir que me demonstrés en cest effect. Je tiens, Madame, que trouvés

raisonnable que j'en ensuyve la bonne volunté de Mess" mes parans, ausquelz me suis remise, et désirois bien présentement les pouvoir veoir pour leur déclarrer encorres plus amplement de ma volunté, puisqu'ilz le désire que quelque veu je face ; et me desplaist que si tost ne se peult fere et pour le plaisir que j'eusse eu aussi vous veoir puisque tant le désirés. L'occasion est que je n'ay peu différer fere ce voyage avec la Royne (h), qui m'a requise et priée luy fere compagnye où je pourés veoir l'ampereur, ayant ferme espérance que ce me profitera grandement en toutes mes affaires comme j'ay fait entendre bien amplement audit s' de la Guyonnière, auquel je ne fais double y adjousterez bonne foy, qui ne m'en fait faire ceste plus longue. Et pour fin je vous supplie, Madame, en atendant, me tenir tousjours à vostre bonne grâce, à laquelle humblement je me recommande ; et je prieray le Créateur que à vous , Madame, donne en parfaicte santé, très bonne vie et longue. De Bruxelles, ce xvi* jour d'octobre 15Zi7.

Vostre bien humble cousine,