A MA. SEUR MADAMOISELLE DE LA TRÉMOILLE

Ma seur, j'ay receu voz lettres, dont je vous mercye ; et ne me puys tenir vous dire que je trouvoys bien estrange que ne m'aviez escript par mon frère le conte (3). Toutesfoys je comprans bien le moyen qui ne vous est, comme il me semble, conseillé à la raison, car vous avez peu entendre que les serviteurs et Madame n'ont jamais pour cest heure extimé vostre bien plus de vii'^ livres par an, sur quoy leur fut accordé vous fournir jusques à cincq cens livres ; et des ii*^ livres qui restoient estoit pour fournir à vostre part des debtes qui n'est moindre que la myenne. Et treuve bien estrange comme, en ceste considéraclon, vous adroissez à moy pour vous bailler des habillemens, car je n'en suis point chargé ; et s'il vous apartient davantaige que lesdites v'' livres , je seray tousjours prest, comme j'ay dict, d'y faire veoir et fournir à ce qui en est escheu en ce moys. Et quant il eust pieu h Madame m'en laisser la charge , je vous eusse faict le mieulx qu'il m'eust esté possible (il) ; mais il me semble que vostre demeure est par

trop plus raisonnable avecques elle que nulle autre part, et augmentera tousjours ce que je suys en très bonne vollunté faire de toute ma puissance pour vous, et d'aussi bon cueur que je me recommande tousjours h vostre bonne grâce. Et pour finir ma lettre, je supplie à Nostre Seigneur vous donner et entretenir sa grâce en très bonne santé. Escript à Thouars, ce xi' de may.

Vostre à jamais meilleur frère et ami,