iove?nbre ibliS\ de Royan

Laurentio di Rischef et R. de Rouez, capitaines de navires italiens,

Au connétable Anne de Montmorency.

Espoir que les vents contraires ne les retiendront jtas plus longtemps près de Royan. Désordres commis par les soldats et marins descendus à terre, malgré les défenses faites au nom du connétable.

A MONSEIGNEUR LE GONNESTABLE

Monseigneur, si le temps se fut volu accorder avecq nostre désir, nous serions desjà bien loing, mais le vent contraire nous a retenuz iey à l'ancre depuis mardy, et ne veult encore estre tel qu'il nous le fault pour sortyr hors du passaige des Asnes. Bien avons espérance qu'il se changera ce jourd'huy et que nous ferons voille pour peu qu'il nous soit propice (1) ; autrement qui n'eust attendu que le fort vent passast, nous n'avions remède que d'aller prandre port à la Couloingne (2), en Espaigne, après avoir eschappé le passaige susdit des Asnes, le quel est l'ung des plus dangereulx de la mer, à ce que dysent

les mariniers. S'il vous plaisoit, Monsgr, demander à ceulx du Gonquest (3) qu'ilz nous tinssent prestz dix pillotes à nostre arrivée, cela nous advanceroit le voyaige de beaucoup; et si plus tost en pouvons recouvrer des navires qui viennent, nous prandrions la haulte mer sans aborder terre quelconque ne le dit Conquest.

Au surplus, Monsgr, nous descendismes hersoir à terre, emsemble les quatre capitaynes, pour enquérir touchant quelques désordres que le peuple de ceste ville ditly avoir esté faitz par les.souldatz qui sont desceiiduz; et trouvons plus de complaignantz que d'apparance qu'on leur hait fait le disme des maulx qu'ilz allèguent, et le pis est qu'ilz ne savent recongnoistre aucun des malfaicteurs. Nous avons fait rendre certain meuble, qui s'est trouvé dans les nefz sans anovateur, et poursuyvrons sur la mer les inquisitions par nous encommanceez pour, en ayant sceu la vérité, les mettre en mains de Monsieur d'Essay à faire la punition des coulpables: vous asseurant, Monsgr, que si les deflences faites en vostre nom, par nous eussent été observeez, ces plaintes ne seroyent point. G'estoit entre autres que personne ne print terre : toutesfois, audesçeu des capitaynes, il est descendu, ces jours durant, assez de souldatz et mariniers pour avoyr fait de mal plus qu'il ne seroit besoing. Nous faisons nostre diligence de le faire réparer, et qu'il ne s'en face d'autre à l'advenyr.

Monsgr, nous supplyons le Créateur vous maintenyr en très longue et très heureuse vye, et nous recommandons très humblement à vostre bonne grâce.

De Royan (/i), le dixseptiesme de novembre ibkS. Voz très humbles et très obéissantz serviteurs,

LAURENTIO DI RISGHEF.