A MONSIEUR LE REGEPVEUR DE L'ISLE DE RÉ

Mons' le recepveur (1), Monseigneur me commanda à son parlement pour aller en Gascoigne trouver Madame (2), aller vers vous ou y envoyer ainsi comme verrez par la lectre qu'il vous escript ; et ne me suys vouUu haster aflin que eussiez moyen de vendre voz vins, ce que avez faict, ainsi que avons entendu par des.sà ; aussi que qui veult en fayre provision des bons de Marche (3), il est temps, car les plus frians se enlèvent tous les jours. Aussi qu'il me fault aller à Orléans en achapter dix poinçons, ainsi que Monsgr m'a commandé. A ceste cause advisez à ce que vouldrez, si vouliez que j'aille par dellà ; mais il n'en est point besoing, et aussi que me trouve guères bien. Vous le m'envoyerez bien jusques icy par quelque homme seur. Si estes en voinnté d'en envoyer, il fault que ce soyt dedans les premiers jours de la sepmaine qui vient, encores ne a l'on que tardé à avoyr des bons vins à les achapter. Vous me ferez responce par le présent porteur bien au lomp, auquel baillerez trente cincj solz pour son voyaige, que luy ay promis. Ma lettre vous servira de certificat.

Je vous prye m'envoyer quelque petit pain de sucre de cinq ou six livres , et je vous rendray l'argent mays que veniez rendre vostre compte ; car je pence qu'il soyt beaucoup à meilleur marché que en ceste ville, où il couste dix sols la livre. J'ay un blanc-signé de Monsgr pour vous faire un acquict de la somme que baillerez {li). Qui est fin, me recommandant

de bien bon cueur à vostre bonne grâce et de Madame la receveuze : Pryant Dieu qu'il vous doint ce que désirez.

De (5), ce xxv* jour d'octobre.

Vostre entièrement bon amy,