Z jiiiîi, vers 15^19 ; de Châteaugontier

André Hamelin, procureur du roi sur le fait des gabelles à Ghâteau- Gontier,

A la vicomtesse douairière (Anne de Laval) (1).

Concussion et larcin du commis du magasin à sel de Craon. Offre de services pour la modération des charges imposées à ses sujets.

A MADAME DE LA TRIMOULLE

Madame, j'ay vériffié, avecques l'aide de Dieu et vous, les quictances du commis du magasin de vostre baronnie de Craon , Françoys Mainmouseau. Se montent les dictes quictances de receu par luy, pour les fraiz et mises, la somme de dix. huit cens livres tournois, qui est une grande concussion et larreczin. Dedans quatre ou cinq jours, espère allez ta la court,

pour remonstrer les choses au Roy et à son conseil pour obtenir commission : Je vous prometz, en foy de homme de bien, qu'il en randra plus de la moictié à vos subjectz, et sans long délay. Vostre bon plaisir sera me envoyez lettres adressans à deux ou troys de vos plus grans amys, pour plus tost faire mon expédition et bonne voulunté. Par vosdictes lettres, s'il vous plaist escrire de la modération du grant nombre de sel estant sur vos subjectz, il sera très bon et agréable au Koy et à son conseil : suyvant icelles, je remonstreré la paouvreté de vosdiz subjectz, que je congnois (2).

Madame, je pry Nostre Seigneur vous donner santé et longue vie.

De Ghasteaugontier (3), ce ni* jung.

Vostre très humble et obéissant serviteur,