i II juin 1553 ; de Meslay

Guy XVIII, comte de Laval (1), A la vicomtesse douairière.

Regrets d'avoir été contraint de partir de Vitré avant qu'elle y arrivât (2).

A MADAME MA TANTE, MADAME DE LA TRIMOILLE

Madame ma tante, j'ay receu la lettre qu'il vous a pieu m'escripre, laquelle m'a porté tesmoignage de la bonne amitié que me portés pour avoir pris la peine de vous estre acheminée pour me venir visiter. De quoy bien humblement je vous mercye, estant néantmoins bien déplaisant que n'ay eu cest heur d'avoir peu entendre vostre arrivée si briefve à Victré, pour r affection j'avoys et ay de m' estre efforcé de vous y avoir faict la meilleure chère de quoy me fusse peu adviser ; mais n'en sçachant riens, les affaires où je suis, qui sont de telle importance que pouvez penser et sçavoir (3), m'ont commandé mon deslogement de Bretaigne pour essaier à y donner ordre ; qui me faict penser que vostre vertu, sur ceste ignorance, m'excusera de mon absence, et que je ne porte peu d'ennuy pour ne vous avoir peu veoir avant mon deslogement. Vous supplyant humblement, Madame ma tante, me vouloir tousjours continuer le bénéfice de vostre bonne grâce, et croyre que toute ma vie seray prest et en volunté parfaicte de vous faire service, quand vostre plaisir sera me commander, d'aussi bon cueur que, y présentant mes très humbles recommanda-

lions, supplye Dieu vous donner, Madame ma tante, en bien bonne santé, longue vie.

A Meslay (Zi), ce xiiii^ juing 1563.

Vostre très humble et obéissant nepveu à jamais,