septembre 1558 ; du Pressoner

François de Chastillon, sgr d'Andelot (1), Au même.

Prochain remboursement, à Paris, de partie d'une dette. Nouvelles du camp. Le roy n'y est pas encore entré, à cause da la révolte de ses troupes allemandes qui veulent être payées.

A MONSIEUR DE LA TRÉMOUILLE

Monsieur, j'ay receu vostre lettre, par le retour de mon secrétaire, et sceu comme il vous plaist accorder pour la partie (jue vous doibz fournir ; a quoy je ne feray faulte, bien que ce me soit une bien grande incommodité de vous bailler la moictié, n'ayant faict mon compte de vous en bailler que le tiers, que j'avois trouvé moïen d'assembler. Je ne failliray partir demain de ce lieu pour m'en aller vous trouver à Paris, affîn de vous y sattisfaire.

Cependant, Mons% je vous veux bien advertir que maintenant j'ay receu ung pacquet de Monsieur le cardinal de Ghastillon , mon frère , qui me mande que le Roy n'est encores entré en son camp , combien qu'il eust délibéré y entrer dès mardy, pour ce que nos Allemans ont voullu faire lesfascheux, voullans plus tost qu'on leur obéisse que d'obéyr. Hz sont après pour les appaiser ; toutesfois je croy que ce ne pourra estre bientost, pour tenir à argent, qui malaisément se peult recouvrer; et cela nous gardera, à mon advis, d'advancer comme nous espérions. Sur ce je prie Dieu vous donner, Mons', ce que plus désirez, avec bonne et longue vie, me recommandant bien humblement à vostre bonne grâce.

Du Pressouer, le premier jour de septembe 1558.

Monsieur , depuis ceste lettre escrite , j'ay eu nouvelles comme le Roy hier entra en son camp, lequel il faict fortifier ; et croy qu'il n'est pour en partir de quelques jours , si ce n'estoit que les ennemis feissent aultre dellogement, de quoy il n'est nouvelles.

Vostre bien obéissant allyé et serviteur,