DE CINQUANTE HOMMES D'ARMES

Monsieur de La Trimoille, aiant receu ceste honnesteté de vous de m* avoir cy devant adverty du soing et de la peyne que vous prenez pour bien dresser vostre compagnie, et n'y aiant pourveu encores en Testât de vostre lieutenant, Monsieur de Montpencier (2) m'a porté , de sa grâce, si bon tesmoignage du sieur de Villeneufve d'Anjou qu'il auroit bien oppinion que vous n'y pourriez mectre ung plus digne personnaige que luy, pour la congnoissance qu'il en a et l'expérience qu'il en a faicte. Je ne le tiens, de ma part pour gentilhomme de moindre mérite, dont, me semble, vous pouvoir donner et conseil et advis pour le désir que je scay que vous avez de rendre vostredicte compagnie bien complecte, et l'estime que vous faictes de ceulx qui en sont dignes comme luy ; estant bien asseuré que, oultre qu'il tiendra à très grand honneur ce tiltre qui sera pour recepvoir de vous, en ce faisant qu'il vous en redondera tel service, pour le Roy et pour vous, que vous n'en demeurerez que bien content ; qui sera chose que mondit sieur de Montpencyer et moy aurons fort agréable. Priant Nostre Seigneur vous donner, Mons' de La Trimoille, en parfaicte santé ce que plus désirez.

Escript à Noyen sur Vernisson (3), ce xiiii' de septembre

Vostre bien affecsionné cousin et amy,