A MESSEIGNEURS LES AUDIGTEURS DES COMPTES DE MONSEIGNEUR
Messeigneurs, si humblement que faire pouons a vostre bonne grâce nous recommandons.
Messgrs, vous plaise savoir qu'il est advenu une banche de sable, par l'impétuosité de la mer et eaux doulces, entre l'isle de l'Aguillon, deppendjnt de ceste seigneurie, et la terre Sainct Michel en l'Ayr, aussi à l'entrée dudit ysle, du cousté delà Tranche (1) , en la gueulle de la rivière ou chenau de Sainct Benoist (2) : au moyen de quoy de présent la ferme dudit ysle est fort diminuée, et plus pourra estre.
Messgrs, si la ferme dudit ysle estoit baillée pour l'advenir à plusieurs années, comme cincq ou six ans, elle pourroit estre de meilleur proufîit , partant que les fermiers seroient plus XIX \h
curieulx de garder les pasturaiges diidit ysle et le bestail qui y seroit mys, et feroient abrevouers d'eaulx doulces, dont à présent y a defïault. Aussi deflendroient ledit ysle dudit sable à ce que tousjours y ayt eau pour la divise entre icelluy ysle et la terre Sainct-Alichel, ce qu'il n'a de présent, et y passe loin de pyé à la retraicte de la marée, qui fait agasler ledit ysle des autres besles, et celles qui y sont afiermées pevent yssir à chascune marée. Messgrs, nous escripvons à Monseigneur dudit ysle. Il vous plaira l'en adverLir pour nous en commander son bon plaisir; car le commun peuple dit que ledit ysle vauldroit trop myeulx s'il estoit affermé à plusieurs ans, et y feroient les fermiers réparacions qu'ilz ne vouldroient faire pour ung an. Messeigneurs, nous supplions Nostre Seigneur vous donner très bonne vie et longue.
A Thalemont, de janvier le xxvui' jour.
Voz très humbles et obéissans serviteurs,
LES CHASTELLAIN ET PROCUREUR DE THALLEMONT. Original.
(1) L'Aiguillon-sur-Mer et La Tranche-en-Talmondais sont dans le département de la "Vendée, ainsi que Saint-Michel-en-1'Herm, siège d'une riche abbaye.
(2) Nom donné à l'embouchure du Lay située auprès de celles de la Sèvre Niortaise et du canal de Luçon.
l/j9. — 1569 ; de Valjoyeux.
Jacquehne de La Trémoïlle, comtesse de Sancerre (1), A la duchesse de Thouars, sa belle-sœur.
Protestations d'amitié, et regrets que la malignité du temps ne permette pas d'envoyer prendre de ses nouvelles.
A MADAME MA SEUR MADAME DE LA TRÉMOÏLLE
Madame ma seur, encores que ne soye asseurée de la liberté des chemins, je n'ay peurs aucune de faillir bazarder ceste lettre pour entendre des nouvelles de vous et de mes nepveu,
niepce f2j et de vos traictemens et portemens ; car estant chose que je désire aultant, certes je n'eusse si longuement différé, sans l'avertissement qu'ay receu de Saumur que le lieu où vous estez estoit inaccessible, que m'a esté si attédieux et ennuyeulx et sera jusques adce que je recepve certaine asseurance de voz dispositions que ne vous en puis rien discovrir, que je soubhaitte vous estre aussi prospères et agréables comme à moy mesmes. Vous suppliant, Madame ma seur, penser que l'eslongner de vous envoyer visiter ne procède que de la malignité du temps et non de maulvaise volunté, et adviser si j'ay bien maison ou aultres moïens qui vous puissent servir (3). Vous faisant offre de tout ce que deppend de moy aussi affectueusement que je vous veois très humblement baiser les mains, et prier le Créateur vous donner, Madame ma seur, en bien bonne santé, très longue et heureuse vie.
A Valjoieux (/i), ce 9 1569.
Vostre bien humble et obéissante seur,
JAQUELINE DE LA TRÉMOILLE, Olographe endommagé.
(1) Fille puînée de François de La TrémoïUe et d'Anne de Laval, mariée à Louis IV de Bueil, comte de Sancerre, grand échanson de France, dont elle eut sept enfants. Veuve en 1563, elle mourut en 1599. V. n» 120.
(2) Claude et Charlotte, dont on verra des lettres plus loin.
(3) Dans une autre lettre, datée du 16 juillet 1579, à la Marclière, elle exprime ses regrets que la maladie de son fils le baron l'ait empêchée de l'envoyer en cour, accompagné d'un fondé de pouvoirs pour terminer les affaires en contestation entre elle et sa belle-sœur.
(4) Il y a une localité de ce nom près de Villepreux , Seine-et-Oise.
