A MONSEIGNEUR, OU IL SERA

Monseigneur, désirant toute ma vie obéir et ne vouloir mancquer à voz comniandeinens, soudain qu'il m'a esté possible je suis venu trouver vostre compagnye, la quelle retournoit de la guerre de demy cart de lieue hors des portes de La Rochelle , d'avecques Mons' de Puisgaillart (3), où elle a sy bien faict et est en sy bonne réputation que ledit s' de Puisgaillart, qui commande en estât de lieutenant de Roy, congnoissant vostre mareschal des logis mériter beaucoup, luy donna la charge de ceulx quy debvoient combatre soubz sa cornette, quy fut portée par ung gentilhomme de vostre compagnye, nommé La Gaignerye. Monsgr, cela oustera par aventure l'oppinion à ceul.x quy ordinairement la veuUent calumpnier, que vous avés d'aussy braves gentilzhommes qu'en compagnye de France. Mons' de Vandré, quy est tousjours resté pour vostre service et pour la bonne réputation qu'il a avecques ceulx quy mainent la guerre du costé de deçà, m'a dici qu'on vouloit encores entreprendre je ne sçay quoy sur les ennemys d'icy à trois ou quatre jours, où, sy je suis convié, mes compagnons et moy tascherons vous en rendre content.

Monsgr, j'ay passé par Poictiers où, suivant ce que j'ay prins la hardiesse de quelquefois vous dire que je pourchassois la lille de Madamoiselle la présidente d'Aventon, m' ayant faict cest honneur m'asseurer tousjours sy je trouvoys quelque pai'ty que vous me fériés cest honneur le trouver agréable. Remectant tousjours ce que j'auray jamais de moyen et de vie pour vous faire très humble service , me faict vous supplier très humblement trouver bon ce que vous escriptz, ne restant qu'à la puissance qu'avés sur moy et vostre vouloir que cela ne soit résolu, comuie vous congnoistrés par les lettres que vous en escript

Madamoiselle la Présidente. Congnoissant bien, Monsgr, que je ne sçaurois jamais avoir de bien et honneur que par Vostre Grandeur, je vous suppliray très humblement croire La Cousture de ce qu'il vous en dira, et me faire cest honneur considérer le longtemps qu'il y a que, sans vous importuner, je tasche à m' entretenir ; vous demandant au reste pardon s'il y â quelque chose que je vous aye jamais malfaict. Je me restray icy jusques à ce que vous me commandés ce qu'il vous plaira que je face. Craignant vous desplaire, je finiray en cest endroict ma lettre pour prier Dieu, Monsgr, vous donner, en santé, très longue et très heureuse vie.

De la Motte Sainct Eloy [h), ce vi* may 1670.

Vostre très humble et très obéissant filz et serviteur,

FRANÇOIS DE LA TRÉMOILLE

Orig. signé.

(1) Voir n» 130. Marié : î» le 20 juin 1570, à Charlotte Berthelot, fille de René Berthelot et de Jeanne d'Ausseure, qui était alors femme du président d'Aventon , François Aubert; 2" en 1581, à Jeanne de Cugnac, dont on verra une lettre au n" 267. Il fut nommé chevalier de l'ordre de Saint-Michel le 22 septembre 1568. On le trouve aussi, à la date du 2 août 1571, mentionné comme guidon de la compagnie de son père, aux gages de 800 livres par an. Il mourut sans postérité.

(2) Canton de La Motte-Beuvrcn, Loir-et-Cher, près deChaon. Un curé de cette dernière localité, nommé Pierre Lenoir, a été le receveur de François de La TrémoïUe à Moulinfrou.

(3) Jean de Léaumont, gouverneur d'Anjou, aussi cruel que brave et habile. Voir lettre de lui n* 157.

(4) Près La Rochelle.