A MONSIEUR DE LA TRIMOUILLE, DUC DE TOUARS

Monsieur, j'ay receu vostre lettre, vous merciant bien humblement de la courtoisie qu'il vous plaist promesti^e à Madame de La Barbelinière, et des honnestes offres qu'il vous plaist me faire. Les effetz du passé m'ont obligé outre l'affection que j'ay tousjours eue à vous faire, et du bon du cueur, service que je n'ay point celle, et m'y trouverrés tousjours prest : vous recommandent tousjours la pouvre veufve, laquelle m'a mandé que vous vous estiés enquis si elle avoit des chiens courans. Je vous dis que non, et qu'elle en cherche pour vous envoyer, mays j'ay acoutumé d'en avoir de bons, qui m'ont esté rongnés par le Roy et par la rage. Enchores arsoir, le Roy m'en envoya demander ung : je vous envoyé sa lettre pour asseuré tesmoignage (2). Je vous envoyé la seur du chien qu'il demande, et eussiés eu le chien si je l'eusse sceu trente heures plus tost. Us n'ont que seize moys, et la lice a esté couverte dans le chenil,

dont elle est avortée despuys douze jours ; cella la rend megre et foeble, si est elle, de père et de mère, de la meilleure race de France. Vous voyés que le Roy la connoist ; si faict Monsieur de Lorrenne, qui m'en a envoyé quérir chien et chienne ce moys de février. Pour ne sçavoir rien digne d'allonger cesle lettre, je la fineray par mes bien humbles recommandations à vostre bonne grâce; et prye Dieu, Monsieur, qu'il vous doint très eureuze et longue vie.

Faict au Fou, le 3 d'aoust 1572.

Vostre très humble cousin et serviteur,