mars 1574; d'A7igers

Jean Léaumont, sgr de Puygaillart, gouverneur d'Anjou (1),

Au duc de Thouars (2).

Nécessité de pourvoir d'un capitaine le chAteau de Rochefort-sur- Loire. Proposition du sgr de la Giraudière, homme de bien, sujet du duc et agréable aux habitants.

Monsieur, nous sommes bien en peyne pour vostre chasteau de Rochefort, à cause qu'il n'y a poinct de cappitaine. Et pour ce qu'il seroit bien nécessaire à ceste heure icy qu'il y en eust ung , je vous ay bien volu escripre ce mot pour vous dire que s'il vous plaisoit d'en pourveoir le sieur de la Girauldière, présent porteur, qui est ung gentilhomme de bonne part et fort homme de bien, et de voz subjectz et serviteurs, et aussy que tous les habitans et voz subjectz dudit Rochefort ayment beaucoup attendu les plaisirs et faveurs qu'ilz ont receuz et reçoipvent de luy ordinairement, et que mesmes c'est à leur suscitation et prière qu'il accepte ceste charge là. De quoy je serois fort ayse, pour n'avoir que faire, de commettre ung gentilhomme avecques quelques soldatz pour le garder, qui se nourriront sur le pays; de quoy je seroys bien marri, pour vous estre si serviteur comme je suis. Touttefoys je seroi contrainct de le faire, s'il ne vous plaist y pourveoir, ce que je vous supplie de veoir faire; et crois que ne verrez jamais gentilhomme sur lequel vous ayés plus de puissance ny qui vous fasse service de meilleure volunté que moy, et d'aussi bon cueur que je me vais recommander bien humblement à voz bonnes grâces. Priant Dieu, Monsieur, vous tenir en parfaicte santé et donner très longue et heureuse vye.

D'Angiers ce ii^ mars 157A.

Vostre bien obéissant et plus affectionné serviteur,