mars 1574; de Rochefort-sur-Loire

Jean de Torchart, sgr de la Giraudière,

Au même.

Installé dans ledit château par commission de M. de Puygaillart, il n'y restera qu'avec l'assentiment du duc : promettant de bien protéger les sujets de celui-ci et, s'il lui confie la place pour longtemps, d'y faire les grandes réparations dont elle a besoin.

Monseigneur, encores que je n'aye cest honneur d'estre congneu de vous ; je n'ay toutesfois voullu faillir à vous envoyer la présente pour vous advertir comme Monsieur de Puygaillart, gouverneur d'Anjou, m'a baillé une commission de me mettre dedans vostre chasteau de Rocheffort, dont je vous envoyé coppye. Et est ce pour la conservation d'icelluy, eu esgard à la nécessité du temps et à l'importance de la place; ce que je n'ai voullu accepter ne faire sans avoir charge de vous, et craignant que ne l'eussiez agréable. Qui me faict vous supplyer très humblement. Monseigneur, m'en mander bien au long vostre vollunté et m'en permettre le gouvernement comme chef, et je mettray peine, Dieu aydant, que vous et voz subjectz aurez occasion de vous contenter de mon service. Car si je n'estois assuré que ne la me voullussiez laisser pour tousjours, je ne pourois y faire les fraiz qu'il y fault faire sans grande perte, eu esgard que vostredict chasteau est si desnué et despourveu de tout ce qui y fault, tant pour la garde que pour y vivre, qu'il n'y a moyen de s'y loger une seulle journée qu'il n'y faille faire de la despence pour plus de mil livres. Et si tant de bien et d'honneur vous plaist me faire, je mettray peine, avec ma sollicitude envers voz terres et subjectz, de récompencer le présant qu'un autre pourroit vous faire pour XIX 15

luy permettre ce dont je vous supply me donner gratuitement. De vous dire qui je suis, ny mes facultés, je les remectz au porteur de ladicte présente; par quoy, vous ayant faict offre de mon humble et très obéissant service, je prye Dieu, Monseigneur, vous donner, en bonne santé, sa saincte grâce. De Rocheffort, ce m' mars 157/i.

Vostre très humble et très obéissant et affectionné serviteur,

JEHAN DE TORCHART.

Orig. signé.