A MONSIEUR LE DUC DE TOUAR, CHEVALIER DE L'ORDRE DU ROY

Monsieur, j'ay veu la lettre que m'avez escripte. Je vous remercye bien humblement du bien que m'avez faicte de m' attendre. Je suis bien aise de quoy vous allez à Paris, car s'il vous plaist, estant là, de regarder à tous noz affaires, tant pour ce que je vous demande sur l'exécution de l'arrest que aussi pour compenser quelques despens que j'ay obtenu contre vous, et mettre une bonne fin à ce procès si estes en ceste délibération, je vous yray trouver audit Paris, et avec vostre conseil et le mien nous esterons de ses paines, et s'il vous plaist m'advertir de vostre vollunté et du temps, ne feray faulte à vous aller trouver, là où je mettray fin à la présente, après vous

avoir présenté mes bien humbles recommandations et prié Dieu, Monsieur, qui vous doint en santé bonne vie. De Busset, ce xiiii* may 1575.

Vostre hobéissant cousin à vous servir,