février 1681 ; de Fontenay-le-Comte

Jacqueline de La Fayette, comtesse du Lude (1), A la même.

Remerciement de sa lettre et de son bon souvenir avec assurance du vif désir de lui rendre service.

A MADAME DE LA TRÉMOILLE

Madame, j'ay receu la lettre qu'il vous a pieu m'escripre par ce gentilhomme présent porteur, lequel je n'ay voulu laisser retourner sans l'accompaigner de la présente pour vous dire, comme, estant allée mardy dernier à Nyort, je seu comme vous estiés à Thouars. Ce qu'ayant, à mon retour, faict entendre à Monsieur le conte du Lude, il se délibéra envoyer ung gentilhomme par devers vous et lequel il vouloit dépescher à l'heure que cestuy est arrivé; vous merciant de l'honneur qu'il vous plaist me faire de me tenir en vostre souvenance et de la peine qu'avés prise me départir de voz nouvelles : vous asseurant que ne ferez jamais ce bien à personne de ce monde qui vous aye voué plus de service que moy, qui estimeré à bien grant heur quant je vous en pourré faire d'agréable. Sur ceste dévotion, je vous supplie me rendre capable de vos bonnes grâces et me recevoir à vous baiser bien humblement les mains; suppliant Nostre Seigneur vous donner. Madame, en parfaicte santé, longue et heureuse vye.

De Fontenay, ce xu" février 1581.

Vostre bien humble et affectionnée cousine h. vous fere service,