IQ janvier, vers 1582 ; de Saint-Germain-en-Laye

Anne duc de Joyeuse (1),

A la duchesse de Thouars.

Ajournement de la réponse du roi aux deux demandes de la

duchesse. Pour !n première, relative à Montaigu, conseil d'aller trouver la reine mère.

A MADAME DE LA TRIMOULLE

Madame, se gantillotne vous pourra dire comme le Roy est en ce lieu, sans vouloir ouir parler d'affaires quelquonques, quy est cause que je n'ay pu luy prezanter les lettres que vous luy anvoiés. Bien luy ay je faict antendre la responsse que vous aviés eue de Monseigneur son frère, que Sa Majesté remet à la Royne sa mère pour i satisfère, luy an aïant présantement escript. Il me samble, Madame, que, puisque vous avés cest afaire sy à cœur, vous debvés vous mesmes prandre la pêne d'aler trouver la Royne, et luy remontrer ce qu'il vous semblera bon sur se faict. Quant à l'autre, il m'a samblé qu'il n'estoict, pour ceste heure, à propos d'en parler, jusques à se que cetuysy fust vuidé; jouinct que Sa Majesté ne despesche aucun afaire an se lieu et qu'il sera assés à tamps à son arrivée de Blois. Voilà, Madame, se qu'il m'a semblé le meilleur, où j'ay aporté plus d'affection qu'à choze du monde, come je feray tousjours à ce quy vous touschera; et sur ceste assurance, je supliray le Créateur vous donner, Madame, an parfairte santé, très heureuse et très longue vie.

A Saint Germain an Laye, le xx* jour de janvier.

Vostre très humble couzin et affectioné serviteur,