février 1582; de Fontevraud

Eléonore de Bourbon-Vendôme, abbesse dudit Fontevraud (1),

A la même.

Prière de ne pas tenir rigueur au médecin Jacques de Sainte-Marthe, pour le procès qu'elle a avec lui. Eloge de celui-ci et faits qui attestent son dévouement et son désintéressement envers la famille des Montmorency.

A MADAME DE LA TRIMOILLE

Madame, envoyant vers vous nostre greneder (2), pour l'affaire qui est entre nous deulx, par mesmes moyen je vous suppliray humblement ne vouloir tenir la rigueur que Monsieur de Mously (3) m'a dict que vouliés tenir, nonobstant sa remonstrance, au seigneur de Champ d'Oyseau (/i), nostre médecin, au procès qu'il a avec vous. Et vous assure que l'intention de mondict médecin a esté toujours d'en accordé sans procès; et n'estoit la multitude des malades qui sont scéans, il fust allé ver vous pour cest eifaict. Et vous puis assurer comme Madame de Jercy (5), vostre sœur, sçait bien qu'il est tant aftectionné à vostre maison que, quant elle fut receue scéans et que Madame la conestable (6) luy fist présanter vingt escuz, il les refusa; et l'a secourue tandis qu'elle a esté icy en grandes maladies qui mérite, Madame, que vous y ayés esgard; et aussy Monsieur le conestable, vostre père, quelque fois qu'il fust scéans malade du fourchet en la main (7). Mesmes Monsieur le mareschal, vostre frère, luy laissa entre ces mains malade ung de ses pages, dont il eust bonne yssue, sans qu'il en voulut aulcun payment pour l'avoir traicté trois sepmaines; oultre que vous advés bien congneu qu'il est fort affectionné a vostre service. De ma part, Madame, il m'en faict de scy bons et agréables

que je ne puis que ne le vous reconunende de grand affection, vous assurant que, toute la faveur luy feray, vous me ferays aussy grand plaisir que scy c'estoit pour moy. Ce que vous recongnoistré où il vous plaira m'employer et suppliray Nostre Seigneur vous donner, Madame, en santé, très bonne et longue vye.

A Fontevrault, ce vu" febvrier.

Vostre plus affectionnée cousine à vous obéir,