A MADAME DE LA TREMOULLE, DUCHESSE DE THOUARS

Madame, je croi que vous avés bien entendeu comment Monsieur de Lauderrie m'a ousté sa fille; et ne say pourquoy, sinon qu'il dict qu'il la veult marier (2), mais je say que s'est une couverture et luy donnant tous les plus mauvais tretement du monde. Sy n'aige jamais rien conneu an elle que je ne dusse congnoistre an unne bien sage fille et qui a son honneur an recommandation. Pour la pitié que me faict la pauvre fille, sera cauze de quoy je vous suppliré bien humblement, Madame, luy ferre cest honneur que de vouUoyr usser de la puiçance que vous avés anvers son père (S) qu'il cousante qu'elle revieinent avecque moy, et vous asseure, Madame, que vous ferés euvre charitable, quar il est inpocible de voyï pauvre créature plus martire qui est sans subject ny ocazion. Sejantilhomme vous an pourra dire davantages qui m'anpesche vous annuler de plus loung discours, sinon vous besser bien humblement les mains; et prie Nostre Seigneur, Madame, qu'il vous doinct, an santé, très heureuse et longue vie.

De Saint-Loup [h), ce 8' jour de mars 1582.

Vostre bien humble et obéissante seur (5),