A MA PETITE FILLE MADAMOISELLE LOYSE DE NASSAU

Ma fille, je n'ay peu qu'avec beaucoup de regret entendre les nouvelles du déceds de feue Madame la Princesse vostre mère, tant pour la grande perte que je sçay vous et mes petites filles, voz seurs, ont faicte en cela que pour l'amytié que je sçay elle me faisoit ce bien de aie porter. Vous suppliant, ma fille, de m'aymer aussy et croire que je pranderay bien grand plaisir de ui'emploier pour vous servir touttes en ce que j'en auray de moïen, et vous tenir au reste aux bonnes grâces de Monsieur vostre grand père (3); ce que je feray tousjours de pareille aflection et bonne volonté que, pour fin de lettre, je supplie Nostre Seigneur vous donner, ma fille, en bonne sancté, longue et heureuse vye.

De Champigny, ce ix" jour de juing 1582.

Vostre plus affectionnée grant mère,