septembre 1583 ; de Montaigu

Claude Papault, capitaine du château du dit lieu (1), A la même.

Protestations qu'il gardera bien et fidèlement le susdit château, en protégera les vassaux et lus maintiendra en toute modestie,

A MADAME

Madame, pour responce à celles qu'il a pieu à Vostre Grandeur m'adresser, pour la reconmandation de mon debvoir et en la garde et conservation de ceste vostre • place, je vous supplie humblement croire que j'en suis tellement soigneux que j'y pense, et ailleurs ou mon service vous sera agréable ; mon honneur comprins et enveloppé, lequelj'étousjouisprophéréet préféreray, en ce qui conserne vostre obéissance, ou à touttes aultres fins ausquelles tandent les actions humaines. Aulsquelles je désire tellement retenir ceulx lesquelz il vous a pieu me commettre pour la tuition de vostre chasteau que aulcun de vos vassaulx et subgectz n'aura occasion de m'apeller couplable ; vous promettant les retenir en toutte modestie tant qu'il me sera posible pour continuer voz dignitez, en ceste bonne oppinion qu'avez conseu de moy ; vous assurant , Madame, que je mettray paine de convertir en abitude ceste disposition en laquelle vous vous promettez mon fidelle service, qui ne sera jamais mancfjué à vos commandemens, aux pieds desquelz je consacre et voue une humble obéissance d'aultan ardante et zellée affection que je prie le tout puissant, Madame, vous continuer ces sainctes grâces en l'entretien d'une heureusse vie en bonne santé et aucmantion d'honneur.

En vostre maison de vostre chastel de Montaigu, ce dernier jour septamijre 1583.

Vostre très humble et très obéissant serviteur à jamais,

CLAUDE PAPAULT.

Olographe.

(1) Par suite de iTiprt ou autrement, il fut remplacé peu de temps après par le s'' de Geay. V. n* 199.