A MADAME, A L'YLE BOUGHART, HOU LA PAR OU ELLE SERA

Madame, j'ay receu votre letre, par laquelle vous me mandés que vous avés trouvé [que] le marché qui avoyt esté fait aux massons et aux recouvreurs pour les réparations de vostre chasteau estoyt byen cher. Vous puysje assurer que j'avoys

faict comme sy s'eust esté pour moy mesme et vous supplye, Madame, le croyre aynsi. J'ay marchandé pour journée, comme vous m'avés niendé, et en ay prins le milleur marché que j'ay peu, en la présanse de vostre bailli et plusieurs aultres abylens de votre ville, qui est à douze soubz et dimy pour journée de checun masson, et audit maistre inasson qui conduit l'euvre seze soubz pour checun jour. Vous me mandré, s'il vous plaist, sy l'auré pour agréable, car il n'est pas possyble de trouvé des gens à milleur marché. Checun qui prent des journalyers en se peys leur donnet huyt soubz et nourry. Atendant de vos nouvelles, feré charoyer du sable et de la chox et feré fère les délyvre. Il diset qu'il leur fault deux moys pour monter la muraille du cors de logis ; je ne faudré a les fere dilygenter le plus qu'il me sera possible. Madame, il fault, s'il vous plaist, que me fesiés savoyr si le trouvères bon ainsi, afiin de les fère travailler incontinent après avoir receu vostre commandement pour se que nous aprochons de hivert. Il n'y oroyt point de mal qu'envoyés les recouvreurs plustost que les massons heusset fait, pour se que en atendant il travailleroist seur la lybrérye et sur la tour, pour se que allyver il ne pourroyst pas se thenyr sur ladite tour à cose des vans. Je ne say chose digne de pardessà de vous en advenir. Toute le monde vyt en bonne paix, Dyeu mercy. Je croy que vos offyssiers (3) vous feront entendre voz affère. Et en set endroyt je prye Dyeu, Madame, vous maintenir, en santé, heureuse vye, vous baisant très humblement les mains.

De Taillebourg, ce xxvii* de jeuillet.

Madame, j'ay montré votre laytre à votre fermyer Longue Espée, lequel a faict réponse qu'il ne pouvoyt donner argent sy vous ne faictes avecque Mons' Gachygnard et qu'il l'atend (4) jeusques à Nouel, de la somme de quinze cens lyvres qu'il doyt du terme de la saint Jehan qui est escheue; et se faisant, il fera payer les massons.

Votre très humble et très obéissant et plus affectionné serviteur,

VANDRÉ.

Olographe.

(1) Voir Beauchet-Filleau, Dictionnaire des familles du Poitou, vol. ii, p. 548. Il était l'un des principaux vassaux du comté de Tailiebourg.

(2) Voir la note de la lettre précédente.

(3) Ce titre désignait généralement les fonctionnaires administratifs d'une seigneurie : bailli, chcâtelain, procureur, receveur, sénéchal, etc.

(4) Probablement celui dont il y a une lettre au n" 221.