avril 1686; de Pezénas

Henri, duc de Montmorency (1),

A la même.

Recommandation pressante de la demande en mariage que Madame de Bouillon La Marck et son fils aîné vont lui faire de M"« de La Trémoïlle.

A MADAME MA SEUR MADAME DE LA TRIMOULLE

Madame ma seur, tout ainsi que je suis ordinairement accompaigné de l'afTection et amictié que je vous doibz de nature, aussy ay je soing et désir particulier que vous en cognoissiez les efïectz es occasions qui se peuvent présenter pour vostre repoz et contentement, et des vostres. Voilla pourquoy, ayant pieu à Madame de Boullon et Monsieur son fiiz me fere entendre la bonne vollonté qu'ilz ont de renforcer l'allience qui est entre leur maison et la nostre de long temps, par le moyen de celle qu'ilz' désirent estre faicte dudit sieur de Bouillon et de vostre fille (2), ma niepce, il m'a semblé vous devoir représenter les mérites et bonnes partyes et qualitez dudit sieur de Bouillon, la maison dont il est, ainsi que sçavez, et que c'est une belle occasion qu'il ne fault négliger pour l'honeur, advantaige et contentement que c'est pour madite niepce, à la quelle je ne vouldrois procurer sinon le mesme bien qu'a mes propres enfans. Donques je vous prie, conseille et conjure, ma seur, vouUoir bien meurement considérer et poiser le mérite de ceste alliance, et vous résouldre de vostre costé a y entendre au plus test; me prometant qu'il vous en proviendra tout tel repoz et contentement que sauriez attendre, et à madite niepce ; n'ayant rien tant en alïection que de vous tesmoingner, par quelques dignes efiectz, mon amictié et la solicitude particulière qui m'acompaigne de m'employer à Fadvancement de ce qui peut estre pour vostre repoz et consolation, comme je trouve ne pouvoir estre autre l'acomplissement de ceste alliance bien convenable; en quoyje seray prest de vous assister, et en toutes choses qui vous attoucheront, avec la mesme curiosité que pour mon faict propre. Sur quoy j'attendray de voz nouvelles en XIX 19

singulière dévotion , me recommandant bien humblement et affectionneement à vostre bonne grâce. Je supplie le Créateur, Madame ma seur, vous donner longue et heureuse vie. De Pezenas (3), ce x' avril 1585.

Vostre plus affectionné frère à vous fere service,