octobre 1588 ; de Biais

Louise de Vaudemont, reine de France (1), A la même.

Yive part qu'elle prend à ses afflictions, notamment aux plus récentes (2).

A MA COUSINE MADAME DE LA TRIMOUILLE

Ma cousine, j'ay esté bien aise d'entendre de voz nouvelles, par les lettres que m'avez escrites et par le raport que particulièrement m'en a faict ce porteur; et eusse bien désiré, pour vostre repos et contentement, qu'elles n'eussent pas esté traversées de tant d'afflictions que je sçay vous avez eues depuis quelque temps. Mais comme Dieu vous a faict naistre sage et vertueuse, je le prière aussy vous assister, s'il luy plaist, en la constance qu'il sçait vous estre nécessaire pour les suporter le plus doucement et patiemment; estant aussy desplaisante de cest inconvénient que personne de ce monde qui vous puisse bien aymer. Vous priant de croire que si j'eusse eu moïen de vous y aporter quelque soulagement, je l'eusse faict aussy voluntiers que je prie Dieu, ma cousine, vous tenir en sa saincte garde.

A Bloys, le xxuii' jour d'octobre 1588. Vostre bonne cousine,